5 చిట్కాలతో జై స్కిన్ సమస్యకు గుడ్ బై

చలిగా ఉన్నప్పుడు శీతల గాలుల ప్రభావం వల్ల వాతావరణంలో ఉష్ణోగ్రత వేగంగా తగ్గిపోతుంది.

- - పారూల్ భట్నాగర్ •

వాతావరణం చల్లగా ఉన్నప్పుడు చర్మం పొడిబారే సమస్య ఉత్పన్నమవుతుంది. ఈ చిట్కాలు డ్రై స్కినికి పరిష్కారం చూపుతాయి.

చలిగా ఉన్నప్పుడు శీతల గాలుల ప్రభావం వల్ల వాతావరణంలో ఉష్ణోగ్రత వేగంగా తగ్గిపోతుంది. దీంతో చర్మానికి సరైన హైడ్రేషన్ దొరకదు లేదా చర్మం తేమని నిలుపుకోలేక పోతుంది. ఫలితంగా ముఖం, శరీర భాగాల మీద ప్రభావం పడుతుంది. చేతులు, కాళ్ల చర్మంలో పగుళ్లు, స్కిన్ ఎలర్జీ పొక్కులు ఏర్పడుతాయి. దీనివల్ల స్కిన్లో అందం తగ్గుతుంది. వీటి నుంచి తప్పించుకోడానికి కొన్ని జాగ్రత్తలు తీసుకోవాలి.

దీని గురించి 'ఏషియన్ ఇన్స్టిట్యూట్ ఆఫ్ మెడికల్ సైన్సెస్' డెర్మటాలజిస్టు డా.అమిత్ బాంగ్యా చెబుతున్న వివరాలివి.

అధిక వేడి నీటికి దూరం

చలిలో వేడి నీటితో స్నానం చేయటంలో చాలా ఆనందం ఉంటుంది. కానీ ఇదే నీరు మీ శరీరంపై చర్మంలోని న్యాచురల్ ఆయిల్ని తగ్గించేస్తుంది. దీన్ని సరిచేయటానికి వింటర్ మాయిశ్చరైజర్ వాడుతుంటాము.

ఇక్కడ ఒకటి గుర్తుంచుకోండి. విపరీతమైన వేడి నీటితో స్నానం చేస్తూ ఉంటే ఎన్ని మాయిశ్చరైజర్లు, క్రీములు రాసుకున్నా ఫలితం ఉండదు. అందుకే ఎక్కువ వేడి నీటితో అధిక సమయం స్నానం చేయటాన్ని తగ్గించండి. వెచ్చని నీటితో 10 నిమిషాలకు మించి స్నానంలో గడపొద్దు.