జీవితంలో గెలుపు ఓటమి చక్రంలా తిరుగుతాయి - అనుష్కా శెట్టి

సినిమాల్లో ఎలాంటి పాత్ర ఇచ్చినా నిండైన పరిణతి, మెండైన అంకిత భావంతో అద్భుతంగా నటించి మెప్పించే నాయిక అనుష్కా శెట్టి.

సినిమాల్లో ఎలాంటి పాత్ర ఇచ్చినా నిండైన పరిణతి, మెండైన అంకిత భావంతో అద్భుతంగా నటించి మెప్పించే నాయిక అనుష్కా శెట్టి. సినీ పరిశ్రమలో అడుగుపెట్టి దాదాపు ఒకటిన్నర దశాబ్దం దాటి పోయినా తనకంటూ ప్రత్యేకమైన ప్రాధాన్యతను నిలుపుకొంటూ వస్తున్నారు. తెలుగు, తమిళంలో దాదాపు అర్థసెంచరీకి పైగా చిత్రాల్లో నటించి మెప్పించారు. అరుంధతి, బాహుబలి చిత్రాల్లోని పాత్రలు ఆమెకు దేశవ్యాప్తంగా అభిమానులను సంపాదించి పెట్టాయి. ఐదేళ్ల క్రితం 'భాగమతి'లో మెరిసిన అనుష్క చాలా గ్యాప్ తర్వాత తాజాగా 'మిస్ శెట్టి మిస్టర్ పోలిశెట్టి'తో అందరినీ అలరించారు. తెలుగు, తమిళ చిత్రసీమల్లోనే బిజీగా ఉన్న అనుష్క ఇతర భాషలవైపు అడుగు పెట్టలేదు. కానీ ఇన్నేళ్ల తర్వాత తొలిసారి మలయాళంలో కూడా ఇప్పుడే ఎంట్రీ ఇచ్చారు. అత్యంత ట్రెండింగ్లో ఉన్న కథానాయిక అయినప్పటికీ ఎన్నడూ వివాదాలను టచ్ చేయని క్లీన్ ఇమేజ్ ఈ భామ దక్కించు కున్నారు. ఇటీవల చిత్రాల నుంచి వచ్చిన గ్యాప్ గురించి ప్రశ్నిస్తే అది ఉద్దేశపూర్వకంగా తీసుకున్న విరామం మాత్రమేనంటూ సూటిగా చెప్పారు.ఇకపై వరుసగా చిత్రాలతో బిజీ అయిపోతానని ధీమాగా చెబుతోన్న అనుష్కాశెట్టి ఇంటర్వ్యూ విశేషాలు...

ఫిల్మ్ ఇండస్ట్రీలో చాలా లాంగ్ జర్నీ చేసారు కదా? ఏమనిపిస్తోంది? 

స్థిరంగా ఒక కథానాయికగా దాదాపు 18 ఏళ్లకు పైగా ప్రయాణం సాగించటం ఎంతో సంతోషాన్నిస్తోంది.మొదటి రోజు షూటింగ్ లో అడుగుపెట్టినప్పటి నుంచి ఈ రోజుకి ఉన్న తేడా గమనిస్తే పూర్తిగా ఒక లైఫ్ మారినట్లు అనిపిస్తుంది. ఒక చిన్న డైలాగు చెప్పటానికి ఎన్నో గంటలు భయపడే పరిస్థితి నుంచి ఇంతదాకా రావటంలో నా ప్రయాణ మంతా ఒక కలలాగా సాగింది.

ఈ లాంగ్ జర్నీలో మీ సక్సెస్కు ఆధారాలు ఏమిటి?