యవ్వనంగా కనపడేందుకు మేకప్ చిట్కాలు

ఈ మేకప్ చిట్కాలు పాటించి మీరూ సినిమా తారల్లా అందంగా కనపడవచ్చు.

- - పూనం పాండే

40 దాటిందంటే మీరు మేకపన్ను వదులుకోవనవసరం లేదు. మేకప్లో సరైన షేడ్స్, టెక్నిక్లను ఉపయోగించి ఈ వయసులోనూ యంగ్ లుక్ పొందవచ్చు. నలభై దాటిన మహిళలు యంగ్ గా, ఫ్రెష్ కనిపించడానికి తమ వానిటీ బాక్స్లో ఏం ఉంచాలో మేకప్ ఆర్టిస్టు మనీష్ కెర్కర్ ఇలా వివరించారు.

మేకప్ ఆత్మవిశ్వాసాన్ని పెంచుతుంది

మేకప్ ముఖ సౌందర్యాన్ని పెంచుతుందని అందరూ భావిస్తారు కానీ దీంతో ఆత్మవిశ్వాసం సైతం రెట్టింపు అవుతుందనేది నిజం.అలంకరించుకుని మీరు ఎక్కడికైనా వెళ్తే ఎదుటి వారు మిమ్మల్ని ప్రశంసించినప్పుడు మీ బాడీ 

లాంగ్వేజ్ ఆటోమేటిక్ గా మారుతుంది.ఎందుకంటే ఆ సమయంలో మీరు ఎంతో ఆత్మవిశ్వాసంతో కనిపిస్తారు. కాబట్టి బయటికి వెళ్లినప్పుడు మేకప్ చేసుకోవడం మరిచిపోవద్దు.

ఎందుకు దూరంగా ఉండాలి

చాలామంది ఒంటరి మహిళలు ముఖ్యంగా వితంతువులు మేకపికి దూరంగా ఉంటారు. కానీ అలా చేయకూడదు. డార్క్ కాకపోయినా, లైట్ షేడ్స్ మేకప్ మీ అందాన్ని మెరుగుపరుస్తుంది. అలాంటి ఉత్పత్తులకు మీ మేకప్ బాక్స్లో ప్రత్యేక స్థానం ఇవ్వండి. ఫౌండేషన్కి బదులుగా బీబీ లేదా సీసీ క్రీమ్ ను అప్లై చేయండి.

ఇది మీకు సహజమైన రూపాన్ని ఇస్తుంది.పెదాలకు లిప్ బామ్ అప్లై చేయండి. ఐ మేకప్ కోసం కాటుక పెట్టండి. పదిమందిలో మీ ఉనికిని చాటడానికి మీరు ప్రజెంటబుల్గా కనిపించాలన్నది మరిచిపోవద్దు.

మాయిశ్చరైజర్

పెరుగుతున్న వయసుతోపాటు చర్మం పొడిబారుతుంటుంది. ఈ స్థితిలో చర్మానికి అదనపు మాయిశ్చరైజర్ అవసరం. ఇది చర్మంలో తేమ లోపాన్ని భర్తీ చేస్తుంది.

కాబట్టి ముఖంలో డ్రైనెస్ తగ్గించడానికి పగలు, రాత్రి మాయిశ్చరైజర్ అప్లై చేస్తే తేమ నిలచి ఉంటుంది. చర్మం మృదువుగా తయారై, మెరుస్తుంది.

యాంటీ ఏజింగ్ క్రీమ్

ముఖంపై ఏర్పడే ముడతలను దాచడానికి యాంటీ ఏజింగ్ క్రీమ్ వాడండి. చర్మం బిగుతుగా మారుతుంది. కావాలంటే మీరు మార్కెట్లో లభించే పాండ్స్ బివీ లేదా లాక్మేస్ సీసీ క్రీము వాడవచ్చు.

ఇందులో మాయిశ్చరైజర్, యాంటీ ఏజింగ్ క్రీమ్, సన్స్క్రీన్ లాంటి లక్షణాలు ఉంటాయి. కాబట్టి ఫౌండేషన్, సస్క్రీన్, యాంటీ ఏజింగ్ క్రీమ్ మొదలైన వాటిని విడిగా అప్లై చేయాల్సిన అవసరం లేదు.