சுழலும் உலகம்!

பல ஆண்டுகளைப் போலவே இந்த ஆண்டும் ராணுவத்தில் சேர்வதற்கான எழுத்துத் தேர்வுகளும் அதன் பின்னான உடற்தகுதித் தேர்வுகளும் அண்மையில் நடைபெற்றன.

- டாக்டர் அகிலாண்ட பாரதி

ஆண்டுதோறும் காவல்துறை ராணுவம் ஆகிய சீருடைப் பணிகளுக்கான (uniformed services) பரீட்சை அறிவிக்கப்படும் நேரத்தில் உடற்தகுதி சரியாக இருக்கின்றதா என்று பார்ப்பதற்காக தேர்வுக்கு முன்னும் பின்னும் பல இளைஞர்களும் இளைஞிகளும் என்னிடம் வருவது வழக்கம்.

இரண்டு ஆண்டுகளுக்கு முன்பாக கொரோனாவின் இரண்டு அலைகளுக்கு நடுவில் நடந்த ஒரு தேர்வின் போது ஒரு வாரம் முழுவதிலும் தினசரி குறைந்தது பத்து பேராவது மருத்துவமனைக்கு வந்தனர். அவர்களில் அனைவருக்கும் ஒரே விதமான கவலை. "கண்ணு நல்லா தான் தெரியுது இருந்தாலும். அன்ஃபிட் (unfit) பண்ணிட்டாங்க" என்பதே அது.