சட்டசபை... தனியாருக்கு குத்தகைக்கு விடும் பா.ஜ.க.?

விமான நிலையங்கள், துறைமுகங்கள், ரெயில் நிலையங்கள், பொதுத்துறை நிறுவனங்கள் போன்றவற்றை தனியாருக்கு தற்காலிகமாகவோ அல்லது நிரந்தரமாகவோ தாரைவார்க்க பா.ஜ.க. அரசு கங்கணம் கட்டிக் கொண்டு செயல்பட்டு வருவது அனைவருக்கும் தெரிந்தது தான்.

- எத்தனத்தகை

இந்த நிலையில், மாட்டைக் கடித்து ஆட்டைக் கடித்து கடைசியாக மனிதனைக் கடிக்க முற்படுவதைப் போல உத்தரகண்ட் சட்டசபை கட்டடத்தையும் தனியாருக்கு குத்தகைக்கு விட பா.ஜ.க. அரசு முன்னெடுப்பை மேற்கொண்டுள்ளது. உத்தரப்பிரதேத்தில் இருந்து குறிப்பிட்ட சில மலை மாவட்டங்களைப் பிரித்து உத்தராஞ்சல் என்ற மாநிலம் 2002-ஆம் ஆண்டு உருவாக்கப்பட்டது. 2007-ல் இந்த மாநிலத்தின் பெயர் 'உத்தரகண்ட்' என மாற்றப்பட்டது.

அண்மையில் இடைவிடாமல் பெய்த கனமழை இயற்கை எழில் சதிராடும் உத்தரகண்டையும் இமாச்சலப்பிரதேத்தையும் புரட்டிப்போட்டு விட்டது. பொருளாதாரம் நிலைகுலைந்து விட்டது. மாநிலத்தின் நிதி நிலைமை கடும் சிக்கலை எதிர்கொண்டு வருகிறது.

புஷ்கர்சிங் தாமி தலைமையிலான உத்தரகண்ட் அரசு இந்த நெருக்கடியை சமாளிக்க முடியாமல் திணறி வருகிறது.