தெலங்கானா: காங்கிரசை கரை சேர்த்த ஆர்.எஸ்.எஸ்.முதல்வரும் மாவோயிஸ்ட் மந்திரியும்?

நடந்துமுடிந்த சட்டமன்ற தேர்தல்களில் பிற மாநிலங்களில் எல்லாம் பாஜக மீண்ட நிலையில், தெலங்கானாவில் மட்டும் காங்கிரஸ் ஆட்சியை பிடித்துள்ளது. அதற்கும் காரணம் உள்ளது.

- பரிதி

அங்கிருந்த பூர்வீக காங்கிரஸ்காரர்களோடு மாற்று கட்சியிலிருந்து வந்து இணைந்த பிரமுகர்களின் பெருமுயற்சியும் இந்த வெற்றியை சாத்தியமாக்கியுள்ளது. அதிலும், எதிரும் புதிருமான இடங்களில் இருந்துவந்த இருவர் காங்கிரஸ் ஆட்சியில் முக்கிய இடங்களை பிடித்துள்ளனர்.

தெலங்கானாவின் முதல்வராக பதவியேற்றுள்ள ரேவந்த் ரெட்டி. இவர் ஆர்.எஸ்.எஸ். அமைப்பைச் சேர்ந்த அகில பாரதிய வித்யார்த்தி பரிஷத்தில், தன் பொது வாழ்க்கையைத் தொடங்கினார். பிறகு தெலங்கானா ராஷ்ட்ரிய சமிதியில், அதாவது இப்போதுள்ள பாரத் ராஷ்ட்ர சமிதியில் இணைந்தார். அடுத்து தெலுங்கு தேசம் கட்சியில் சேர்ந்து, கடைசியாக இப்போது காங்கிரஸ் கட்சியில் உள்ளார்.

மற்ற 'ஆல் ரவுண்டர்கள்' என்றால், அனைத்து துறைகளிலும் தேர்ந்தவர் என்று பொருள். இவர் அனைத்து கட்சிகளிலும் சுற்றிவந்த 'ஆல் ரவுண்டர்’ ஆக இருப்பவர். அதனால் அனைத்துக் கட்சி களிலும் ரகசிய ஆதரவாளர்கள் உண்டு.