கருணை...

நம் நாட்டில் கருணைக் கொலையை சட்டம் அனுமதிப்பது இல்லை. செய்தித்தாள்களை கூர்மையாக கவனி த்தால் அவ்வப்போது கருணைக் கொலை செய்ய அனுமதி தருமாறு நீதிமன்றங்களில் வழக்குத் தொடரப்பட்டிருக்கும் செய்திகளைப் படிக்கலாம்.

- டாக்டர் அகிலாண்ட பாரதி

இங்கு ஒருவர் பிழைக்க மாட்டார் என்று உறுதியாகத் தெரிந்தால் அவருக்கு வழங்கும் மருத்துவ உதவிகளை நிறுத்தி வைக்க சட்டம் அனுமதிக்கிறது (passive euthanasia). மூளைச்சாவு அடைந்த மனிதர் ஒருவர் நீண்ட நாட்களாக வென்டிலேட்டர் போன்ற உபகரணங்களின் உதவியுடன் உயிருடன் இருப்பதும், அவரது மூளைச் சாவு உறுதிப்படுத்தப்பட்ட பின், அவருக்கு உயிர் காக்கும் இயந்திரங்களின் உதவியை (life support) நிறுத்தி விடுவதையும் பின் அவரது உடல் உறுப்புகள் அறுவை சிகிச்சை மூலம் மற்றவர்களுக்கு தானமாக வழங்கப்படுவதையும் நாம் அறிவோம்.