அரசு உயர் அதிகாரிகளை உருவாக்கும் பழங்குடியின கிராமம்!

ஒரு கிராமம் முழுக்க அரசு அதிகாரிகள் அதிகமாக இருந்தால் அது வியப்பான விஷயம்தானே. அப்படி ஒரு கிராமம் மத்தியப் பிரதேசத்தில் அமைந்துள்ளது. தார் மாவட்டத்தில் பழங்குடியினர் ஆதிக்கம் செலுத்தும் பதியால் என்ற கிராமம் அதிகாரியோன் காகாவ் அல்லது நிர்வாகிகளின் கிராமம் என்று பிரபலமாக அறியப்படுகிறது.

- எஸ்.ரவீந்திரன்

இந்த சாதனை கிராமத்தின் மக்கள் தொகையில் கிட்டத்தட்ட 90 சதவீதம் பேர் பில் என்ற பழங்குடியினத்தை சேர்ந்தவர்கள். இந்த கிராமத்தினரில் கல்வியறிவு விகிதம் 90 சதவீதத்திற்கும் அதிகமாக உள்ளது.

இங்கு ஒவ்வொரு குழந்தையும் அரசு ஊழியராகவோ அல்லது மருத்துவராகவோ ஆக விரும்புகிறார்கள்.

5 ஆயிரத்துக்கும் மேற்பட்ட மக்கள் உள்ள இந்த கிராமத்தில் நூற்றுக்கும் மேற்பட்ட மக்கள் இந்தியாவின் பல்வேறு பகுதிகளில் உயர் அரசு அதிகாரிகளாக பணியாற்றுகின்றனர்.

இரண்டு ஆண்டுகளுக்கு முன்பு, இந்த கிராமத்தில் நிர்வாக அதிகாரிகளின் எண்ணிக்கை சுமார் 70 ஆக இருந்தது.

ஆனால் அது 2024 இல் 100 ஐ தாண்டியது. இந்த நிர்வாகப் பணிகளில் கீழ் நீதிபதிகள், இந்திய காவல் துறை (ஐ.பி.எஸ்.) அதிகாரிகள், இந்திய நிர்வாக சேவை (ஐ.ஏ.எஸ்.) அதிகாரிகள், இந்திய பொறியியல் சேவை அதிகாரிகள், மருத்துவர்கள், வன அதிகாரிகள் உட்பட பலர் அடங்குவர்.