முரண்பாடுகளின் கலவை பெண்!

மீண்டும் சினிமாவில் ரீ-என்ட்ரி கொடுத்து ஆக்டிவாக நடித்து வரும் சமந்தாவுக்கு வெப் சீரிஸ்தான் அதிகமாக கமிட் ஆகிறது.

- தவா

இதனால் ஒரே நேரத்தில் பல மொழி ரசி கர்களிடம் போய் சேரும் சமந்தா, இந்தியில் படா ஹீரோ படங்களை எதிர்பார்த்து இருக்கிறார். அவருடன் ஒரு அழகான சிட்சாட்.

பெண்ணுக்கு அழகு எந்த அளவுக்கு முக்கியம்?

எந்த பெண்ணையும் ரொம்ப அழகானவ, லட்சியவாதி, தியாகம் செய்யக் கூடியவள்'ன்னு முத்திரை குத்திட முடியாது. பல முரண்பாடுகள், சிக்கல்களின் கலவையாகத் தான் பெண்மை இருக்கும். நான் விரும்பக் கூடிய குணாதியசம் கொண்ட மனிதர்களும் அப்படித்தான். ஏன்னா நானும் அப்படித்தான். நிறைய பேர் என்னோட கேரக்டர் கூட தங்களை தொடர்புப்படுத்தி பார்க்கும் போது எனக்குள்ள அவங்களைப் பார்க்குறாங்க.

நிறைய கடினமான தருணங்களை கடந்து வந்திருக்கீங்க, அதைப் பற்றி?

ஒரு புயலைக் கடந்து வந்தது போல இருந்தது. அதிலிருந்து மீண்டு வர நிறைய டைம் ஆச்சு. போன் அட்டெண்ட் பண்ணவே பயந்தேன். நெஞ்சு படபடன்னு அடிச்சுக்கும், இந்த சமூகம் என்னை எப்படி ஜட்ஜ் பண்ணும்'ன்னு எனக்கு பயம் இருந்தது. அடுத்து மயோசிடிஸ் பிரச்சினை வந்தப்போ, என்னோட தோற்றத்தை வைச்சு நிறைய கேலி கிண்டல் பண்ணாங்க, என்னோட பாடி கலரை பார்த்து கமெண்ட் அடிச்சாங்க. இந்த சமயங்களில் எனக்கு எந்த ஆறுதலும், ஆதரவும் கிடைக்கல.

கஷ்டமான காலத்தில் நீங்க கத்துக்கிட்ட பாடம் என்ன?

ஆண்களுக்கும், பெண்களுக்கும் இங்க விதிகள் வேறு வேறா இருக்கும். அது எனக்கு முன்னாடியே தெரியும். ஆனா, சமீபத்தில் நான் புரிஞ்சிக்கிட்டது என்னன்னா, நீங்க யாரு? எங்கிருந்து வரீங்க? உங்களுக்கு யாரு சப்போர்ட் பண்றாங்க? இதைப் பொறுத்து தான், உங்களுக்கான விதிகள் தீர்மானிக்கப்படுது. எனக்கும் அப்படி என்னை வழிநடத்திப் போற மாதிரி கிடைச்சிருந்தா நல்லா தான் இருந்திருக்கும். ஆனா, அது எனக்கு வாய்க்கல. செய்த தவறுகளில் இருந்து பாடம் கத்துக்கிட்டேன்.

தனியொரு பெண்ணா நீ ங்க எதிர்கொள்ளும் உளவியல் சிக்கல்களை எப்படி பார்க்குறீங்க?