ജന്മസിദ്ധമായി ലഭിക്കുന്ന ഭാഷാപരമായ കഴിവ്

സാഹിത്യത്തിന്റെ ചക്രവർത്തിയായി ലോകം സ്മരിക്കുന്ന മാർക് ൻ ഒരു പത്രവിതരണക്കാരനായാണ് ജീവിതം ആരംഭിച്ചത്. അത് കുടുംബത്തിന്റെ ഉപജീവനത്തിന് മറ്റു മാർഗ്ഗം ഒന്നും കാണാത്തതിനാൽ. പിന്നീട് ഒരു പത്രസ്ഥാപനത്തിൽ പ്യൂൺ ആയി. തുടർന്ന് അച്ചുനിരത്താൻ പഠിച്ചു. ഒടുവിൽ ഹാനിബാൾ ജേണലിന്റെ റിപ്പോർട്ടറായി. പിന്നെ പത്രങ്ങളിൽ ലേഖനമെഴുതാൻ തുടങ്ങി.

- ജോഷി ജോർജ്

ജന്മസിദ്ധമായി ഭാഷാപരമായ ബുദ്ധിശക്തി ഉള്ള ഒരാൾ ഏത് മേഖലയിൽ പഠനം നടത്തിയാലും വൻ വിജയത്തിലെത്തണമെങ്കിൽ ആ കഴിവിലേക്ക് ശ്രദ്ധ കൊടുക്കണം.

ഒരു ഉദാഹരണം പറയാം. ജ്ഞാന പീഠം നേടിയ എം.ടി. വാസുദേവൻ നായർ പഠിച്ചത് രസതന്ത്രമാണ്. 1953 ബി.എസ്.സി. കെമിസ്ട്രിയിൽ ബിരുദം നേടിയെങ്കിലും എഴുത്തിന്റെ ലോകത്താണ് അദ്ദേഹം വിജയക്കൊടി പാറിച്ചത്. സി. രാധാകൃഷ്ണൻ ഫിസിക്സിൽ ബിരുദാനന്തരബിരുദം നേടിയിട്ടും അറിയപ്പെടുന്നത് സാഹിത്യകാരനായിത്തന്നെ.