അലസത മാറ്റി കർമ്മനിരതനാകുക

സംസാര ജീവിതത്തിൽ ഉഴലുമ്പോൾ പ്രശ്നങ്ങളേയും ദുഃഖങ്ങളേയും അഭിമുഖീകരിക്കുക തന്നെ വേണം. മായാബന്ധനങ്ങളിൽ നിന്ന് സ്വതന്ത്രരാകുവാൻ സാക്ഷാൽ ദേവന്മാർക്ക് പോലുമാവില്ല. വളരെക്കാലം സന്താനമില്ലാതിരുന്ന ശ്രീകൃഷ്ണ ഭഗവാൻ സന്താന സൗഭാഗ്യത്തിനുവേണ്ടി ശ്രീപരമേശ്വരനെ തപസ്സ് ചെയ്തിരുന്നു.

നമ്മൾ ഭാവിയെക്കുറിച്ച് ചിന്തിക്കുന്നവരാണ്. നാളെ എങ്ങനെ ജീവിക്കും എന്നാണ് നല്ലൊരു ജോലി കിട്ടുക? സമൂഹത്തിൽ അംഗീകാരം നേടാൻ ധനം എങ്ങനെ ഉണ്ടാക്കും? ഈ വിധ ചിന്തകളാൽ വേവലാതിപൂണ്ട് മനസ്സ് നിരാശയിലാണ്ട് അലസന്മാരായിത്തീരരുത്. കഠിനമായ കർമ്മത്തിലൂടെ വിജയപഥത്തിലെത്തുകയാണ് വേണ്ടത്.