വീട്ടിൽ അതിഥികളെത്തുമ്പോൾ...

അതിഥികൾക്ക് നീരസമുണ്ടാക്കുന്ന പ്രവൃത്തിയും പെരുമാറ്റവും ഉണ്ടാവാതിരിക്കാൻ ശ്രദ്ധിക്കുക

- എസ്.എം

വീട്ടിൽ ബന്ധുക്കളും കുടുംബസുഹൃത്തുക്കളും അതിഥികളായെത്തുന്നത് ഏവർക്കും സന്തോഷം ഉളവാക്കുന്ന കാര്യം തന്നെയാണ്. അതിഥി സൽക്കാരം ഒരുക്കുന്നത് ആനന്ദവും സന്തോഷവും പകരുന്നു. അതിഥികളെ സ്വീകരിക്കുമ്പോഴും, അവർക്കായി ഭക്ഷണം തയ്യാറാക്കുമ്പോഴും ആതിഥേയരായ നമ്മൾ അറിഞ്ഞിരിക്കേണ്ട ചില കാര്യങ്ങൾ ഇവിടെ പറയാം.

വീട്ടിൽ ഉച്ചസമയത്താണ് അതിഥികൾ എത്തുന്നതെങ്കിൽ അവർക്ക് ചായ, കാപ്പി, പലഹാരങ്ങൾ നൽകുന്നത് ഒഴിവാക്കി ആദ്യം തണുത്ത ഏതെങ്കിലും ശീതളപാനീയങ്ങൾ കൊടുത്ത് സ്വീകരിക്കുന്നതാവും ഉത്തമം ട്രെയിൻ യാത്ര അല്ലെങ്കിൽ  ബസ് യാത്ര കഴിഞ്ഞ് ക്ഷീണിച്ചു വരുന്നവർക്ക് ഒരു ഗ്ലാസ് തണുത്ത നാരങ്ങാവെള്ളം കിട്ടിയാലുണ്ടാവുന്ന സന്തോഷവും സംതൃപ്തിയും പ്രത്യേകം എടുത്തുപറയേണ്ടതില്ലല്ലോ?