കരിക്കിലെ ശ്രുതി അല്ലെ.

ക്രിസ്തുമസ്-ന്യൂ ഇയർ തിരക്കുകൾക്കിടയിൽ നടി ശ്രുതിസുരേഷ്...

- രജനി കൃഷ്ണ

സിനിമയിലേക്കുള്ള തുടക്കം

അച്ഛൻ സുരേഷ് നിരവധി സിനിമകളിൽ അഭിനയിച്ചിട്ടുണ്ട്. അതുകൊണ്ടുതന്നെ എനിക്കും സിനിമയോടൊരു ആത്മബന്ധം പണ്ട് മുതൽ ഉണ്ടായിരുന്നു. പഠനകാലത്ത് നൃത്തം അഭ്യസിച്ചിരുന്നതു കൊണ്ട് കലോത്സവവേദികളിലെ സ്ഥിരസാന്നിധ്യമായിരുന്നു ഞാൻ. ആദ്യമായി ഒരു ക്യാമറയ്ക്ക് മുൻപിൽ എത്തുന്നത് അഞ്ചാം ക്ലാസിൽ പഠിക്കുമ്പോൾ, സിദ്ധാർത്ഥ ശിവ സംവിധാനം ചെയ്ത "ദീപങ്ങൾ സാക്ഷി എന്ന ഷോർട്ട് ഫിലിമിലൂടെയാണ്. പിന്നീട് സൂര്യ ടി.വിയിലെ തുലാഭാരം എന്ന സീരിയൽ ചെയ്തു. അച്ഛൻ സംവിധാനം ചെയ്ത കുപ്പിവള എന്നൊരു ചെറിയ സിനിമയിലും ഞാൻ ഭാഗം ആയിട്ടുണ്ട്. എന്നാൽ കൊമേഴ്സ്യൽ സിനിമയിലേക്ക് എന്റെ ആദ്യ ചുവടുവെപ്പ് സംഭവിക്കുന്നത് ജൂൺ എന്ന സിനിമയിലൂടെയാണ്. ഒരു എൻട്രൻസ് പരീക്ഷദിവസം ആയിരുന്നു ജൂൺ സിനിമയുടെ ഓഡിഷൻ. ആലോചിച്ചപ്പോൾ, ഇഷ്ടക്കൂടുതൽ സിനിമയോട് ആയിരുന്നതു കൊണ്ട് എൻട്രൻസ് വേണ്ടെന്ന് വെച്ചാണ് ഓഡിഷന് പങ്കെടുക്കുന്നത്. ഓഡിഷന് സെലക്ട് ആയപ്പോഴുണ്ടായ സന്തോഷത്തിന് അതിരുണ്ടായിരുന്നില്ല. സമപ്രായക്കാരായ ഒരുപാട് പേർ. ഒപ്പം മുൻനിര താരങ്ങളായ രജീഷ വിജയനും അർജുൻ അശോകനും. തമ്മിൽ ഒരു വ്യത്യാസങ്ങളും ഇല്ലാതെ ഞങ്ങൾ എല്ലാ അഭിനേതാക്കളും ഒന്നിച്ചായിരുന്നു സിനിമയുടെ പത്തുദിവസത്തെ ക്യാമ്പിൽ പങ്കെടുത്തിരുന്നത്. അതു കൊണ്ടുതന്നെ ജൂൺ, സിനിമയ്ക്ക് അപ്പുറത്തേക്ക് പ്രിയപ്പെട്ടവരുടെ കൂട്ടുകെട്ട് ആണ്. സിനിമ റിലീസ് ആയ അന്ന് തിയേറ്ററിൽ എന്നെ കാണുമ്പോഴുണ്ടായിരുന്ന വികാരം വിവരിക്കാനാവില്ല. ഒരുപാട് അഭിനന്ദനങ്ങൾ നേടിത്തന്ന ജൂൺ അത്രമേൽ എനിക്ക് പ്രിയപ്പെട്ടതാണ്.

കരിക്കിലെ ശ്രുതി അല്ലെ...