വാട്സാപ്പിലെ സൂപ്പർ ട്രിക്സ്

വാട് സാപ്പ് പുത്തനായപ്പോൾ അപ്ഡേറ്റായ കുറച്ചു സൂപ്പർ ട്രിക്കുകൾ പഠിക്കാം. ഇനി കൂട്ടുകാർക്കു മുന്നിൽ സ്മാർട്ടാകാം

- രതീഷ് ആർ. മേനോൻ ടെക്, സോഷ്യൽ മീഡിയ വിദഗ്ധൻ

ടെക്സ്റ്റും ഫോട്ടോയും വിഡിയോയും ഓഡിയോയും ഡോക്യുമെന്റുമൊക്കെയായി വാട്സാപ്പ് നമ്മുടെ സന്തതസഹചാരിയാണ്. ഫീച്ചറുകൾ മാറി വരുന്നതിനനുസരിച്ചു വാട്സാപ്പ് പുത്തനാകുമ്പോൾ എല്ലാവർക്കും പ്രയോജനപ്പെടുന്ന കുറച്ചു ട്രിക്കുകൾ പഠിക്കാം.

ക്വാളിറ്റി കുറയാതെ

വാട്സാപ്പിലൂടെ ഫോട്ടോയോ വിഡിയോയോ അയയ്ക്കുമ്പോൾ ക്വാളിറ്റി നഷ്ടമാകാതിരിക്കാനായി ഒരു വഴിയുണ്ട്. ചിത്രം അറ്റാച്ച് ചെയ്യുമ്പോൾ തന്നെ എച്ച്ഡി ക്വാളിറ്റി സെലക്റ്റ് ചെയ്യുകയാണു മിക്കവരും ചെയ്യുക. അതിനു പകരം വാട്സാപ്പിന്റെ സെറ്റിങ്സിൽ സ്റ്റോറേജ് ആൻഡ് ഡാറ്റ (Storage and Data) എന്ന ഓപ്ഷൻ സെലക്ട് ചെയ്യുക. മീഡിയ അപ്ലോഡ് ക്വാളിറ്റി (Media Upload Quality) എച്ച്ഡി എന്നു സെലക്ട് ചെയ്യുക. ഇങ്ങനെ സേവ് ചെയ്താൽ അയയ്ക്കുന്ന ഫോട്ടോയും വിഡിയോയുമെല്ലാം ഓട്ടമാറ്റക്കായി എച്ച്ഡി ക്വാളിറ്റിയിൽ അറ്റാച്ച് ആയിക്കോളും.

സ്റ്റാറ്റസ് സൂപ്പറാക്കാം