In LiG se Oktober-uitgawe vier ons mense se oorwinnings! Borskanker-oorwinnaars vertel hoe hulle ander op hul herstelpad help. Ysterman Alwyn Uys getuig hoe hy sport geniet, selfs in ‘n rolstoel. En ons voorbladvrou, Franja du Plessis vertel dat God ‘n plan het, selfs al gaan dit met pyn gepaard.
Ons kyk hoe sendingwerk vandag lyk, en deel ‘n ma se getuienis wat sê: “Ek het nooit gedink ‘spesiale behoeftes’ sal mý kind beskryf nie.
Vir gesinne gee ons raad wat geluk en vrede bring:
• Leer jou kind om te wag
• Bou jou huis op waardes eerder as reëls

LiG ondersoek die kwessie van aborsie – is dit deesdae ‘n noodmaatreël of ‘n “voorbehoedmiddel”?

In Oktobermaand sal LiG se inhoud jou inspireer en verryk!

Ons vind hope inspirasie uit gewone mense se stories in hierdie uitgawe van LiG. Hy was eens ‘n dwelmverslaafde, dief en bosslaper, maar die Here het sy lewe omgekeer. Gesin vertel hoe hulle die krag van gebed leer ken na twee gewapende rooftogte. En Jan Bloukaas vertel: “Doodgaan is nie verloor nie.”

Ons voorbladnooi, Vanes-Mari du Toit inspireer ons met haar passie en veelsydigheid. Ons gaan maak ‘n draai by Lambertsbaai se TikTok-dominee, Farren Cloete.

Ons help jou om te “declutter” – al is jy ‘n sentimentele siel. Kry raad oor wanneer jou angstigheid ‘n probleem raak.

Vir ouers: Bou jou kind se selfbeeld só. En hier is hulp vir wanneer jou kind se gekerm jou mal maak.

LiG – vir jou en jou mense.


In die winteruitgawe van LiG leer ons meer van die Heilige Gees – hoe Hy met ons praat. Ons ontdek ook die verskillende name van God wat sy karakter beskryf.

Ons gaan kuier by Lindie Strydom en hoor watter lesse sy by haar kinders leer. Monique Strydom vertel dat God haar voorberei het, en ‘n leser wat ‘n plaasaanval oorleef het, getuig: “Die Here was by ons”.

Ly jou geliefde aan demensie: Ons kry raad by kenners.

Vir ouers is daar kundige artikels oor hoe om jou kind se teleurstellings sinvol te hanteer, watter waardevolle rol musiek in jou kind se ontwikkeling (en intelligensie) speel en die skokkende feite van skermverslawing. 

Ontdek dat huil goed is vir jou. Ontdek dat hoop nooit verlore is nie. Ontdek dat LiG vir jou en jou mense is.


In hierdie uitgawe herinner ons jou om die lewe te vier, en ‘n lint om elke mylpaal – groot en klein – te bind.
Ons gesels met Hélène Truter – aktrise, skrywer en entrepreneur. En vind uit dat sy veel meer as “Antie Poppie” is.
Ons vertel die aangrypende getuienis van ‘n man wat vertel hoe hy ‘n geveg tussen Lig en Duisternis oorleef het. Ons kuier ook by ‘n ma wat vertel hoe die verlange elke dag daar is nadat haar kind verongeluk.
Ons gaan na Jesus se kruis en vind uit waarom dankbaarheid daar begin. LiG vertel ook wat die Bybel oor engele sê.
Kry brandstof vir jou kind se verbeeldingsvlugte, en lees oor hoe sosiale media jou kind beïnvloed. 

LiG – vir jou en jou mense.


Ons gaan kuier by die talentvolle Willem Botha, en hoor dat harde werk 'n mens ver bring.
Ons kry 'n vreugde-inspuiting en gee praktiese wenke om weer die huppel in jou stap te kry. Ons gaan leer lesse by mense wat op hul sterfbed lê en gee vir jou 'n goeddoen-kalender vir 2024.
Kry prettige idees vir gesinsrituele. En lees oor nageboortedepressie, en wanneer dit tog ophou!
LiG het 'n nuwe Youtube-kanaal, LiG: God se krag in my krisis. Ons vertel hoe hierdie besonderse getuienis-kanaal tot stand gekom het.
LiG – vir jou en jou mense.


In LiG se lente-uitgawe vertel ons die lewenstories van merkwaardige mense en word daardeur geïnspireer:
• “My kinders serf saam – slegs God bring vrede,” vertel ma.
• “Jy kan in jou moeilike omstandighede groei,” sê blinde vrou.
• Haar weduwee-pad: van Godverlate na dankbaar.

Dana Snyman vertel van sy reis om antwoorde op geloofsvrae te vind. En RSG-omroeper, Christelle Webb-Joubert getuig: “In die hemel sal ek weer sien en my Lukas sal praat.”

Lees ook wat die suksesresep van ons voorbladsterre, Daniel en Rolene Strauss is. Kom vind 8 maniere oor hoe om geestelik te groei. En kry ouerskapraad as jou kind jok of as jou kuiken sukkel om die nes te verlaat.

LiG se lente-uitgawe – vol hoop en inspirasie vir jou en jou mense.


In LiG se winteruitgawe hoor ons dat Erica Wessels se lewe totaal verander het, maar dat sy haar mawees-seisoen met 'n moeë lyf, maar blye hart beleef. 
'n Leser vertel hoe sy weer vryheid en lig beleef na 'n huisroof. En 'n alkoholis getuig hoe die Here hom nooit gelos het nie. 'n Bekende skrywer vertel oor haar kanker: “Dapper in my laaste seisoen.”
Ons gee raad oor hoe om jou kind se taalontwikkeling te stimuleer. Ons ontdek hoe 'n gesin se geestelike gawes kan lyk, en hoe om dit te gebruik om die Here te dien.
Lees hoe om te groei in jou swaarkry. En wat om te doen as jou woorde voor God opraak.
LiG – vir jou en jou mense.

Ons herfs-uitgawe is propvol bemoediging, inspirasie en optimisme!
Ons kuier by Bernice West en vind uit hoe sy haar voete op die grond hou. Ons maak ook ‘n draai by Danie Botha, en gesels ook met Genevieve van Binnelanders en hoor haar wonderlike getuienis.
Twee susters vertel hulle verhaal van infertiliteit: die een se drieling-vreugde en die ander se reuseverlies. ‘n Gewese dwelmmuil vertel haar hartverskeurende, maar hoopvolle verhaal. 
Kry wenke oor hoe jy jou kind kan beskerm teen seksuele gereedmaking (“grooming”). En vind uit hoe om empatie by jou kind te kweek. Is julle twee (of drie!) gesinne onder een dak? – Só laat jy dit werk.
Vir Paasfees: 
• Hou saam as gesin nagmaal. 
• Lees wat Jesus alles vir ons kom doen het


Ons gesels met Mandi du Plooy-Baard en ander bekende ma’s oor hoe hulle gesinne Kersfees vier. Ons gaan kuier ook by ‘n ma wat vertel hoe ‘n gru-ongeluk hul gesin geraak het, en hoe hulle God se wonderwerke op hierdie bitter moeilike pad beleef het. 
Ons gee raad as jou kind angstigheid beleef en gesels met ouers oor hoe om met jou kind oor Kersfees te gesels.
Kom kry die geheim van ‘n sinvolle oudag. En lees die wonderlike artikel oor die gedagte dat ons God nie nét in stilte ontmoet nie. Wonder jy of dit die moeite werd is om vas te byt met jou huwelik? Ons gee raad.
Vir 2023 is daar 12 uitknip-Bybelverse om te onthou vir die nuwe jaar.
LiG – vir jou en jou mense.

In LiG se lente-uitgawe praat die gewilde Juanita du Plessis openlik oor haar swaarkry tydens die koronaviruspandemie, en oor nuwe planne. Ons verstom ons oor die legio geleenthede wat ’n gewone groentetuin aan ouers bied om hul verhouding met hul jong kinders te verdiep. En dat dramalesse ’n kosbare geskenk aan ’n kind is. Ons ontdek ook dat dit nie so sleg is om die ooievaar te laat wag nie.

Ons kuier by ma en dogter, Elsabé en Roeline Daneel, en vind ‘n goue band van vriendskap wat dié twee aan mekaar verbind. 
In LiG se Winteruitgawe vertel ons ook gewone mense se stories: Wilmien Davin ‘n oorlewende van die Kalahari-brand vertel hoe God haar mettertyd help om weer te lééf! En ‘n sendeling in Oekraïne vertel haar verhaal uit die oorlogsone.
Maak ‘n nuwe emmerskoplys, en groei geestelik! Vind uit hoe om dr Google reg te gebruik, en help jou kind só om ‘n lewe sonder maskers aan te pak.
Vind ook heerlike koesterkos-resepte vir die winter, maklike handwerkprojekte en ‘n mooi hekelpatroon in ons jongste uitgawe!


In die Herfsuitgawe van LiG kuier ons by die immer sprankelende Leah. Ons gee idees vir Paasfees, en hoe julle as gesin dit prakties kan vier.
Ons gee raad oor hoe om jou kind se geestelike woordeskat te bou, en hoe om met jou meisiekind te praat oor seks, geld en emosies.
Kom groei in jou geloof en in jou verhoudings, en kry weer hoop vir die lewe!

In LiG se Kersfees 2021-uitgawe kuier ons by die mooie Clare van Mooimaak. Ons leer vir Tatjana Schoenmaker ken, die swemmer met die goue hart vir God. 
Ons gee planeetvriendelike idees vir geskenke, gee raad vir hoe om oor te begin as jou kind 'n swak akademiese jaar gehad het en steek kers op by ouers wat die seer van kinders wat emigreer 'n bietjie minder kon maak.
LiG - vir jou en jou mense.

LiG is 'n praktiese gesins- en geloofsgids met Christelike inhoud wat verryk en inspireer. Dit is ’n asemskep-plek vir elke Christenouer. Deur mense se stories te vertel en praktiese raad te gee, inspireer, bemoedig en bring ons hoop. Ons stap saam op jou geloofsreis. Ons gee raad vir ouers, huwelike en almal wat in hulle geloof wil groei. LiG – vir jou en jou mense.

In LiG se eerste kwartaallikse uitgawe gaan kuier ons by Minki, en word geïnspireer om lig te dra aan die lewe. Ons maak ook ‘n draai by ‘n oud-gevangene wat nou die vryheid wat Jesus gee, verkondig. Ons word geïnspireer deur ‘n dame wat haar droom om ‘n teewinkel oop te maak, bewaarheid het.

Stephan Joubert help ons om te besef dat die kruis geen romantiese gebeurtenis was nie – Jesus het waarlik alles geoffer. Ons lees ook hoe ander kerke en kulture Paasfees vier.

Vir gesinne is daar praktiese planne om saam huisgodsdiens te hou, en ons vra kundiges hoe jy jou kind selfdissipline kan leer – dit is die hoeksteen van ‘n vervulde lewe.

Kom kook saam met Heleen Meyer watertand-geregte met blikkies tamaties. En kry oulike idees (en stap-vir-stap-aanwysings) vir ‘n hang-rakkie en gehekelde pantoffels.

LiG – vir jou en jou mense.


In LiG se Kersfees-uitgawe gaan soek ons vrede, en vind dit by Jesus, die Prins van vrede. Ons gesels ook met Leah, Franja en Caroline-Grace oor hoe hulle vrede vind na ‘n jaar soos 2020.
Ons wys hoe jy 2021 jou hersteljaar kan maak, en leer dat vrede ‘n lewenslange les is wat ons by Jesus kan leer.
Lees hoeveel voordeel dit vir jou kind inhou om te beweeg – dit help selfs met stres en konsentrasie! Ons gee ook raad vir wanneer jou kinders baklei.
Kom klink ‘n glasie jogurt, en sien watter voordele dit vir jou gesondheid inhou. Daar is ook ‘n koekresep met drie idees – perfek vir Kersfees!
Lees die verhale van gewone mense:
• In die kop geskiet, en oorleef – “Ek kon my aanvaller vergeef”
• “Ek lééf – ten spyte van my angsversteuring”
LiG – vir jou en jou mense.

Soms word ons gestroop van alles wat vir ons sekuriteit bring, en dan kry ons die geleentheid om God régtig te vertrou. In LiG se November-uitgawe vertel ons die verhale van mense wat gestroop is, maar opstaan ná verlies. Ons praat met Ira Blanckenberg oor die Toorbos-fliek, en die Griekwastad-akteur oor sy donker rol.
Ons voorbladvrou, Donnalee Roberts, vertel dat sy vir altyd verander is na die geboorte van haar seuntjie Cameron. 
Ons gee raad oor hoe om ŉ hegter verhouding met jou kind te hê, en leer by gesinne oor die wysheid wat hulle in 2020 gekry het. Kom skud saam met ons die swaar af met ons vreugdeskalender vir 2020.

Vir baie van ons was die afgelope jaar soos 'n woestyntyd. In ons Oktober-uitgawe vertel lesers van hulle trauma-ervarings na hulle geliefdes alleen moes sterf. Erica Wessels getuig hoe dankbaar sy is vir 'n nuwe seisoen na háár woestynpad om swanger te raak. Teoloog Stephan Joubert skryf: "Die Here se goedheid is nie minder werklik hier in 2020 nie. Ons moet net ons oë daarvoor oopmaak. Ivor Swartz, vandag jeugpredikant, getuig ook hoe sy hemelse trooskos in menslike gedaante na hom gestuur is in die rooigrondstrate van Grabouw.
Mag die Oktober-uitgawe ook vir jou en jou mense 'n brokkie trooskos bied.

Jy is 'n lewende brief!

Pen en papier kan dinge losmaak, gesond maak, mooi maak. Gedurende die saamstel van die September-uitgawe van LiG het ons met vele mense en oomblikke te doene gekry rondom skryf, papier en ink.
En ons harte loop oor van vreugde- en dankbaarheid-ink in die LiG-kantoor. Wat ’n voorreg om ander se lewensveranderende briewe te kan lees; Suid-Afrika se geliefde sonneblom-vrou Susan Coetzer beter te leer ken; en grepies van ander se pyn en hartseer met ink vas te pen.
Sangeres Nadine Blom deel met ons die emosies wat sy probeer het om vas te vang in ’n brief toe sy die nuus van haar suster se afsterwe ontvang het. Wat selfs meer hartsverskeurend is, is dat sy eers ná haar suster se dood ’n briefie ontdek het wat haar sus weer vir háár geskryf het ’n paar weke voor haar dood. 
Daarin staan onder meer: “Jy, my sus, tel my op, jy sien my ... Ek glo ons sal mekaar weer sien voor die lewe uit een van ons twee se oë uitgaan.”
Om só oor jou seer, trauma en ervarings te skryf, is ’n vorm van terapie, vertel dié wat weet. Skryf kan jou ook help om jou geestelike reis met God te verdiep. In die September-uitgawe vertel ’n klompie LiG-lesers hoe waardevol ’n Bybeljoernaal vir hulle is. Daarin skryf hulle hul gedagtes, emosies, Bybelverse en gebede neer.
En dan is ons span in die LiG-kantoor veral geroer deur die skrif van Paulus, waar gelowiges "lewende briewe van Christus" genoem word. 
Jesus het in ons lewe geskryf, sê Hy, nie met ink nie, maar met die Heilige Gees. En nie op papier nie, maar op ons hart (2 Kor 3:3).

Miskien is jy ’n ouma of oupa wat na jou mense verlang. Of dalk wil jy lees oor ánder oumas en oupas wat ons hierdie maand geïnspireer het.
In hierdie uitgawe – opgedra aan elke ouma en oupa in Suid-Afrika wat tans in afsondering, en dalk eensaamheid, tydens die Covid-19-pandemie leef – lees jy hoe bekende kokke en huiskokke sekere geure en geregte oproep ter herinnering aan ’n geliefde ouma. Soos Tiaan Langenegger wat vertel van sy buitengewone ouma Marie, en dat sy liefde vir kosmaak by haar begin het.
Dan bring ons voorbladvrou, sangeres Anneli van Rooyen, se woorde vertroosting: “Geen pyn wat ek mag beleef of ontbering wat ons bedreig, kan ons ooit skei van die liefde van God wat daar in Christus Jesus ons Here is nie.”
’n Swanger vrou vertel van haar pad met Covid-19 toe sy en haar man positief getoets het in Maart 2020 ná ’n oorsese reis. Hulle grootste bekommernis was die ongebore baba se gesondheid.
Kry ook wenke vir kuberkuiers met kleinkinders, ’n patroon om snoesige pantoffels vir jou kleinkind (of vir jouself!) te hekel en smaaklike sopresepte van Heleen Meyer.
’n Uitgawe propvol lekkerte en herinneringe.

In LiG se Julie-uitgawe ontmoet jy op élke bladsy mense wat jou opnuut hoop gee.
Ons voorbladvrou, Sonja Herholdt, sê sy probeer ’n wonderwerk in die alledaagse van die Covid-19-pandemie sien. Ook dat sy altyd opkyk na God vir haar krag. En dat sy glo dat die vuur waardeur ons nou gaan, ons nie sal skroei nie.
Dan is daar Ina Potgieter. Haar seun, sy vrou en hul tweejarige dogtertjie is tien jaar gelede wreedaardig op hul Vrystaatse plaas vermoor. Ina kon die ondenkbare regkry: Sy het die moordenaars vergewe. Sy vertel: “Die Here is nie net mý Verlosser nie; Hy is ook daardie ses misdadigers se Verlosser. God het ’n passie vir siele, en ons is sy medewerkers. As ek wil vergeld, staan ek nie onder God se gesag nie; dan is ék die gesag.”
'God is jou eerste afspraak' vertel ’n Boer soek 'n vrou-deelnemer na lang alleenpad.
Kry raad hoe om tienerdepressie raak te sien sodat jy betyds kan ingryp. 
Lees ook oor hoe mense regoor Suid-Afrika nuut oor kerkwees dink. Óns is kerk, nie die gebou nie.

In LiG se Paasfeesuitgawe https://lig.christians.co.za/heel-en-stukkend/ word ons stil langs die stasies van die kruis. Ons sê ook dat gebrokenheid hoogmode is, maar dat God kom heel maak.
Op die voorblad is Karlien van Jaarsveld vir wie moederskap alles kom verander het. LiG gesels ook met grapmaker, Bennie Fourie en vind uit dat hy graag binne God se wil probeer leef.
LiG gee ses idees om mooi herinneringe aan jou kind te gee – dis die grootste geskenk! Ons gee ook die feite wat jy moet weet oor seksvoorligting op skool.
‘n Paartjie deel hul getuienis van hoe God hulle seën met ‘n baba ná sewe jaar se wag. https://lig.christians.co.za/na-sewe-jaar-kom-god-sy-belofte-na-vertel-ouers-van-wonderwerk-dogertjie/ Ons kuier ook in ‘n Bybeltuin, ‘n stukkie Israel in die Boland. 
Is jy geskei, en voel jy skielik melaats? Pak vriendskappe só aan.
https://lig.christians.co.za/help-ek-is-geskei-en-skielik-melaats/
LiG – Christelike inspirasie vir jou en jou mense!
https://lig.christians.co.za/wp-content/uploads/sites/3/2020/03/LiG-April-2020-COVER_FINAAL_LR-scaled.jpg 

In LiG se Maart-uitgawe gaan ons op ‘n pelgrimsreis. Ons gesels met mense wat onderskeie pelgrimsroetes onderneem het – “dit was fisies swaar, maar geestelik lig”. Ons ontdek ook dat God vir gelowiges ‘n pelgrimsperspektief gee.
Op die voorblad is Nadia Valvekens wat vertel hoe haar siel nou blom! Rugbyspeler Schalk Brits dink terug aan die Wêreldbeker, en vertel dat liefde ‘n mens se grootste wapen is.
LiG gee raad oor hoe om weer met jou tiener te “connect”. Lees ook van ‘n Ouma en kleinkind se spanpoging om disleksie te oorwin.
Ons besef ook weer dat die klein dingetjies in jou huwelik die grootste is.
Kry maklike, heerlike resepte in ons Maart-uitgawe. En ‘n patroon vir ‘n mooi tjalie.
LiG – vir jou en jou mense.

In ons Februarie-uitgawe vertel Riana Nel dat sy weer ma gaan word. Sy sê ook dat sy gereeld by God kerm.
Akteur en pastoor Johan Scholtz inspireer ons om elke dag dankbaar en nederig te leef. En ons vertel die ware verhaal van ‘n vrou wie se man sterf en wie se tweejarige ‘n hartoperasie moes kry – deur dit alles getuig sy hoe God haar dra.

Anna Oberholzer is blind en ‘n fisioterapeut. Sy sê: “Dis hóéveel jy leef terwyl jy op aard is wat saak maak.”
Ons kry raad by kenners oor gesonde grense in die klaskamer: Wenke vir ouers en onderwysers. Ons gee ook raad oor hoe om vir jou kind te bid wat die pad byster geraak het.
Die eerste aflewering van ons reeks oor onvrugbaarheid begin in ons jongste uitgawe.

LiG – vir jou en jou mense.

In LiG se Kersfees-uitgawe vier ons ‘n saamwees-Kersfees, en wys jou hoe om die hele familie te betrek. Ons vind uit wie, volgens Jesus, die eintlike geseëndes is.
Op die voorblad is Demi Lee Moore, en sy vertel hoe sy nou nog meer glo na ‘n noue ontkoming. Ons kuier by die skeppers van Alles Malan, en gesels met Mnr Suid-Afrika, Heinrich Gabler.
Ons gaan kuier ook in die Boesmanland en hoor van boervroue se geloof en hoop in die droogte. Ons gee wenke as jy voel jy kán nét nie meer nie. 
Vir ouers gee ons raad om jou kind teen ontvoering te beskerm. Moet ook nie ons oorlewingsgids vir die somer misloop nie – ons gee raad oor goggabyte tot karsiek.
Kom bak saam koekies vir Kersfees, en hekel oulike Kersversierings! Ons tel die dae af tot by Kersfees met ons adventkalender op Facebook. Kom tel gerus saam.
LiG – vir jou en jou mense.

In LiG se November-uitgawe vertel Rolene Strauss dat sy weer swanger is, en dat sy glo God het haar gemaak net soos Hy wil hê sy moet wees. Ons gaan kuier by illustreerder Piet Grobler in Portugal, en kry 'n kykie in die dag van die lewe van veelsydige Johrné van Huyssteen.
Ons gesels ook met 'n pa wat aan sy gestremde dogter vryheid gee nadat hy vir haar 'n loopraam gemaak het.
LiG skryf hoe jy die seer van onreg kan verwerk, en gee tien wenke om terug te bons as die lewe jou platslaan. Ons kundiges gee raad as jy in die skadu van 'n narsis leef.
Vir ouers gee ons gee prettige wenke om jou kind van kleure te leer. En ons gee ook raad oor hoe jy jou kind selfvertroue kan leer.
Kom ontdek saam met ons dat die Bybel 'n belofteboek is.
LiG – vir jou en jou mense.

In LiG se September-uitgawe skep ons nuwe geestelike asem! Ons gee raad as Bybellees en bid bloot roetine raak, en vra: Wie definieer jou – jou beroep, jou vriende of Jesus?

Pascal Pienaar vertel van haar wêreldreise, haar Christenskap en hoe haar siel heerlik dans! En Jannie du Toit, geliefde en geseënde troebadoer vertel dat sy lewe sy lied is.

'n Ouma en Oupa van Port Elizabeth gesels oor hulle aktivisme teen plastiek. En 'n afgetrede paartjie beskryf hulle doenigheid met die kerk se kompos, kool en kospakkies.

Vir ouers gee ons raad: As regverdig-wees 'n kopseer is, en as jou kind weier om te deel.

Meneer en Mevrou, ons gee wenke oor bedsake – en 11 maniere om jou vrou te bemin.

In LiG se Augustus-uitgawe sprankel Rina Hugo, en haar twee kinders, Anri en Riaan, op die voorblad. Rina het pas haar 70ste verjaarsdag gevier.

Die krieketskeidsregter, Marais Erasmus, gesels met ons – sy gesin wen elke keer die loot. En plattelandse vroue vertel hoe hul drome anderkant die dorpsgrense vlerke kry. Lees ook die 10 vat-dit-rustig-wenke om die platteland tot in jou huis te bring.

Ons ondersoek die effek van emigrasie op dié wat agterbly.

Stephan Joubert help ons om “laat u koninkryk kom ...” beter te verstaan. Ons skryf ook oor die vroue in Jesus se lewe.

Leer jou kind speel-speel van woorde, en gee vir hom ‘n lewenslange voorsprong. Kry ook raad vir jou huwelik – as jou salaris groter as jou man s’n is.

LIG  Cover - Lente/Koninkryk 2024 Edition

Lente/Koninkryk 2024

LIG  - Lente/Koninkryk 2024

LIG  Cover - Winter/Pinkster 2024 Edition

Winter/Pinkster 2024

LIG  - Winter/Pinkster 2024

Herfs/Paasfees 2024

LIG  - Herfs/Paasfees 2024

Somer/Kersfees 2023

LIG  - Somer/Kersfees 2023

LIG  Cover - Lente/Koninkryk 2023 Edition

Lente/Koninkryk 2023

LIG  - Lente/Koninkryk 2023

LIG  Cover - Winter/Pinkster 2023 Edition

Winter/Pinkster 2023

LIG  - Winter/Pinkster 2023

Herfs/Paasfees 2023

LIG  - Herfs/Paasfees 2023

Somer/Kersfees 2022

LIG  - Somer/Kersfees 2022

LIG  Cover - Lente/Koninkryk 2022 Edition

Lente/Koninkryk 2022

LIG  - Lente/Koninkryk 2022

LIG  Cover - Winter/Pinkster 2022 Edition

Winter/Pinkster 2022

LIG  - Winter/Pinkster 2022

Herfs/Paasfees 2022

LIG  - Herfs/Paasfees 2022

Somer/Kersfees 2021

LIG  - Somer/Kersfees 2021

Lente Uitgawe 2021

LIG  - Lente Uitgawe 2021

LIG  Cover - Pinksteruitgawe 2021 Edition

Pinksteruitgawe 2021

LIG  - Pinksteruitgawe 2021

Februarie 2021

LIG  - Februarie 2021

LIG  Cover - Desember 2020/Januarie 2021 Edition

Desember 2020/Januarie 2021

LIG  - Desember 2020/Januarie 2021

Download your favorite titles and read them offline, anytime and anywhere

Gift your loved ones with a Magzter Gift Card instantly and give them the freedom to read their favorite magazines and newspapers from thousands of best-selling titles.

Gift your loved ones with a Magzter Gift Card instantly and give them the freedom to read their favorite magazines from thousands of best-selling titles.

Gift your loved ones with a Magzter Gift Card instantly and give them the freedom to read their favorite magazines from {{magCount}}+ best-selling international titles.

Name

Please fill out this form if you need any help regarding publishing your content on Magzter

Since we launched, Magzter has been committed to partnering with global organizations to provide the greatest possible newsstand technology & service to our customers. Whether you are looking to offer magazine subscriptions to your customer database or just want to learn more, Magzter is committed to helping your business grow. To find out more, please fill out the questionnaire below:

LIG - Oktober 2019

LIG - Oktober 2019

In this issue

LIG Magazine Description: