வாழ்வின் அசலும் நகலும்

அன்று கணேசமூர்த்தி பூங்காவில் வந்தமர்ந்த பின்னரும், அவரது கவனத்தை பூங்காவில் மலர்ந்துள்ள மலர்களோ, படர்ந்து பரவியுள்ள மரத்தின் நிழல்களோ, மரத்தின் கிளையில் அமர்ந்து இசைபாடும் பறவைகளோ, மரக்கிளைகளில் கிரீச்.. கிரீச்....என்று சத்தத்தோடு ஓடி விளையாடும் அணில்களோ.. பூங்காவில் பரந்துள்ள பசுமை புற்களின் அழகோ...அடைகின்றவர்கள் பேசுகின்ற வார்த்தைகளோ...வருக்கு தெரியாத நிலை இல்லையென்றே தெரிகிறது.

- பா.ஆசைத்தம்பி

இது எதுவும் இன்று அவருக்கு மன சந்தோஷம் தரவில்லை. அவரது பார்வை பூங்காவின் வாசலை நோக்கியே பார்த்துக்கொண்டிருந்தது. அவரது நண்பர் சம்பந்தமூர்த்தி ஏன் இதுவரை வரவில்லை? என்று அடிக்கடி பூங்காவின் வாசலை பார்த்து பின்னர் மற்ற பக்கம் பார்த்தாலும் நண்பர் சம்பந்தமூர்த்தி வருகையினை தான் அவர் எதிர்பார்த்துக் கொண்டிருந்தார்.

கணேசமூர்த்தி எதிர்பார்ப்பது வீணாகிவிடக்கூடாது என்று நினைத்தாரோ.. என்னவோ... அப்போது பூங்காவின் வாசலில் இருந்து இவரை நோக்கி சந்தோசமான முகத்தோடு சம்பந்தமூர்த்தி வந்துகொண்டிருந்தார்.