సెల్ఫ్ లవ్

 జోజో, డంపీ కుందేళ్లు తమ కుటుంబంతో కాలక్రమంలో డంపీ ఇద్దరు అందమైన పిల్లలకు జన్మనిచ్చింది. పిల్లలకు ఆమె రోరో, సన్నీ అని పేర్లు పెట్టింది.

- కథ • డా. కె. రాణి

 జోజో, డంపీ కుందేళ్లు తమ కుటుంబంతో కాలక్రమంలో డంపీ ఇద్దరు అందమైన పిల్లలకు జన్మనిచ్చింది. పిల్లలకు ఆమె రోరో, సన్నీ అని పేర్లు పెట్టింది.

రోరో స్వతహాగా నిశ్శబ్దంగా ఉంటుంది. సన్నీ కాస్త అల్లరి పిల్లవాడు. తెల్లని అందమైన ఎర్రని కళ్లతో ఇద్దరూ అందంగా కనిపించేవారు. వారిద్దరినీ డంపీ ఎంతో శ్రద్ధగా చూసుకుంది. ఒక రోజు రోరో “అమ్మా, తమ్ముడి కళ్లు చిన్నవిగా ఉంటే మరి నా కళ్లు ఎందుకు పెద్దగా ఉన్నాయి?” అని అడిగింది.

రోరో చెప్పినప్పుడు మాత్రమే డంపీ మొదటిసారిగా దీనిని గమనించింది.

“నువ్వు చెప్పింది నిజమే. కానీ నేను గమనించలేదు” రోరో చెవులను డంపీ అటు ఇటు తిప్పింది.

అప్పుడు రోరో “సన్నీ చెవులు నిటారుగా నిలబడి ఉంటాయి. నావేమో ఎప్పుడూ కిందకి వంగి ఉంటాయి. నాకు అతనిలా చెవులు కావాలి” అంది.

ఆమె తల్లి ఆమె చెవులను సరిచేయడానికి ప్రయత్నించింది. కానీ వాటి పొడవు కారణంగా అవి ఎప్పుడూ కిందికి వంగి ఉండేవి.

“రోరో, నీ చెవులు నిటారుగా కాలేవు.” “ఎందుకమ్మా, వాటిలో ఏమైనా తప్పు ఉందా?” “నాకు నిటారు చెవులు ఇష్టం. నీకు, నాన్నకు చెవులు నిలబడి ఉన్నాయి. నాకెందుకు రాలేదు?”

"ఎందుకో నాకు అర్థం కాలేదు రోరో. మన కుటుంబంలోని వారందరి చెవులు నిటారుగా ఉన్నాయి. నీ విషయంలో మాత్రమే ఇవి పొడవుగా, ప్రత్యేకంగా ఉన్నాయి.” “అమ్మా, నువ్వు వాటిని చిన్నగా చేయగలవా?” “అలా చేయడం నా కంట్రోల్లో లేదు. కాబట్టి నువ్వు వాటితో జీవించాలి" చెప్పింది డంపీ. రోరో బాధపడింది.

డంపీ జోజోకు చెబితే అతడు కూడా ఆశ్చర్యపోయాడు.

“కుందేళ్లకు సాధారణంగా అంత పొడవాటి చెవులు ఉండవు. రోరోకి అవి ఎందుకు ఉన్నాయో నాకు తెలియదు.” “అది నన్ను కూడా ఇబ్బంది పెడుతున్నది.

మన తోబుట్టువులందరిలో ఎవరికీ లేనిది రోరోకి అలాంటి చెవులు ఎలా వచ్చాయి?” “దాని గురించి విచారపడకు డంపీ. ఆమె తన పొడవాటి చెవులతో జీవించవలసి ఉంటుంది” చెప్పాడు జోజో.

రోరో దాని గురించి మాట్లాడిన తర్వాత ప్రతి ఒక్కరు ఆమె చెవులను గమనించడం మొదలుపెట్టారు. ప్రతి ఒక్కరు డంపీతో "డంపీ, ఆమె చెవులకు ఏమైంది? ఎందుకు అంత పొడుగ్గా ఉన్నాయి?" అని అడగడం మొదలు పెట్టారు.