ഗലീലിയോയ്ക്ക് ഭയങ്കര ബുദ്ധിയാ അമ്മേ!

ചരടിന്റെ നീളം കൂടുമ്പം ഒരാട്ടത്തിനു വേണ്ട സമയം കൂടും. വലിയ ആട്ടത്തിനും ചെറിയ ആട്ടത്തിനും ഒരേ സമയം തന്നെ. ചരടിന് ഒരു മീറ്റർ നീളം ഉണ്ടെങ്കില് ഒരാട്ടത്തിന് രണ്ട് സെക്കന്റ് എന്നാ കണക്ക്.

- കെ.പാപ്പൂട്ടി

അമ്മയും പ്രതിഭമോളും ഒന്നിച്ചാണ് ഇന്ന് അടുക്കളയിൽ നിന്നു വന്നത്. എന്നും അര മണിക്കൂറെങ്കിലും അവളുടെ കൂടെ കട്ടിലിൽ കിടന്നു വർത്തമാനം പറയാതെ അമ്മ പോകാറില്ല. അടുത്ത കട്ടിലിൽ വായനയിൽ മുഴുകി ഏട്ടനും ഉണ്ടാവും.

അമ്മ ചോദിച്ചു, “മോളിന്ന് ഏട്ടന്റെ സ്കൂളിലെ സയൻസ് എക്സിബിഷന് പോയില്ലേ? കണ്ടതൊക്കെ ഒന്ന് പറയ്, കേക്കട്ടെ.

“ഓ, ഏട്ടനിന്ന് വല്യ പത്രാസിലാരുന്നു. എന്നെ ചന്തേല് വെച്ചു കണ്ട പരിചയം പോലുമില്ല. വല്യ കടിച്ചാ പൊട്ടാത്ത എന്തൊക്കെയോ കാര്യങ്ങൾ പറഞ്ഞു. ഞങ്ങടെ സയൻസ് ടീച്ചർ മാത്രം തലയാട്ടി. എനിക്കൊന്നും മനസ്സിലായില്ല.

അടുത്ത കട്ടിലിൽ നിന്ന് : “അതിനേ, മനസ്സിലാക്കാൻ ലേശം ബുദ്ധി വേണം.