വൃശ്ചിക വിശേഷങ്ങൾ

നവംബർ-ഡിസംബർ മാസങ്ങളിലാണ് വൃശ്ചികത്തിലെ ചന്തം കേരളനാട്ടിൽ പടർന്നു പരക്കുന്നത്.

- പി.കെ. സുധി

ഒക്ടോബർ മാസത്തിൽ ഇടിവെട്ടു മഴയാണല്ലോ പെയ്തത്. മലയാളം കലണ്ടർ (കൊല്ലവർഷം) പ്രകാരം തുലാമാ സത്തിലാണ് ഈ മഴപ്പെയ്ത്ത്. തുലാം കഴിഞ്ഞാൽ വൃശ്ചികമാസമായി. നവംബർ-ഡിസംബർ മാസങ്ങളിലാണ് വൃശ്ചികത്തിലെ ചന്തം കേരളനാട്ടിൽ പടർന്നു പരക്കുന്നത്.

തുലാമഴ അകന്ന് വൃശ്ചികം പുലരുന്നത് ആരും പറഞ്ഞറിയാതെ നമുക്ക് മനസ്സിലാക്കാൻ കഴിയുന്നു. കണ്ണിലും കാതിലും മനസ്സിലും പലത രത്തിലുള്ള ഭാവങ്ങളുമായി കയറിപ്പറ്റാൻ ആവശ്യമായ കോപ്പുകൾ നിരവധിയാണ് വൃശ്ചിക മാസത്തിലുള്ളത്.

ഈ ദിവസങ്ങളിൽ മഴത്തണുപ്പില്ല. വെയിൽ കഠിനവുമല്ല. കോച്ചുന്ന തണുപ്പില്ല. ഇളം ചൂടും മൃദുവായ തണുപ്പും നിറയെ വെളിച്ചവും കൂടിക്കലർന്ന ഉന്മേഷപ്പകലുകളാണ് വൃശ്ചികത്തിനു സ്വന്തമായുള്ളത്.