ലമീൻ യമാൽ

കാൽപ്പന്തിലെ പുത്തൻ താരോദയം

-  പി ടി രാഹേഷ്

യൂറോ കപ്പിലെ പതിനാറുകാരൻ യമാലാണ് ഇപ്പോഴത്തെ പുതിയ പന്തുകളി താരം. നിങ്ങൾക്കിഷ്ടപ്പെട്ട ഫുട്ബോൾ താരം ആരാണ് എന്ന ചോദ്യത്തിന് ലോകത്തിലെ വിവിധ രാജ്യങ്ങളിലെ കളിക്കാരുടെ പേരുകൾ സ്വന്തം സഹോദരങ്ങളുടെ പേരുകൾ പോലെ കുട്ടികളടക്കം വിളിച്ചു പറയും. മെസ്സിയും, നെയ്മറും തന്നെയാണ് അക്കൂട്ടത്തിലെ റാങ്കിംഗ് നിലനിർത്തുന്നവർ. റൊണാൾഡോയും എംബാപ്പയുമൊക്കെ ഇഷ്ടതാരങ്ങൾ തന്നെ. ഇക്കൂട്ടത്തിലെ നവാഗതനാണ് ലമീൻ യമാൽ. ഒറ്റ ഗോൾ കൊണ്ട് സ്പെയിനിനെ ചരിത്രനേട്ടത്തിലേക്ക് എത്തിച്ചു ഈ കുട്ടി ഫുട്ബോളുകാരൻ. ഓരോ ഫുട്ബോൾ പ്രേമിയിലും അത്യാവേശം നിറയ്ക്കുന്ന അതിമനോഹരമായ ഒരു ഗോളാണ് യമാൽ ഫ്രാൻസിനെതിരെ നേടിയത്. മത്സരത്തിന്റെ ഇരുപത്തിയൊന്നാം മിനിറ്റിൽ ഫ്രാൻസിന്റെ പെനാൽറ്റി ബോക്സിന്റെ പുറത്തുനിന്ന് ഒരു തകർപ്പൻ ഷോട്ടിലൂടെയാണ് യമാൽ ലക്ഷ്യം കണ്ടത്. ഈ വീഡിയോ ആവർത്തിച്ചു കണ്ടത് ലോകത്തെമ്പാടുമുള്ള കോടിക്ക ണക്കിന് ഫുട്ബോൾ പ്രേമികളാണ്. ഈ ഗോളിലൂടെ ഒരു ചരിത്രനേട്ടം കൂടിയാണ് ബാഴ്സലോണയെ തേടിയെത്തിയത്. ഇതിലൂടെ യൂറോ കപ്പിന്റെ സെമിഫൈന ലിൽ ഗോൾ നേടുന്ന ഏറ്റവും പ്രായം കുറഞ്ഞ താരമായാണ് യമാൽ മാറിയത്. ഇതിനുമുമ്പ് 17 വയസ്സും 244 ദിവസവും പ്രായമുള്ളപ്പോഴാണ് ഫുട്ബോൾ ഇതിഹാസം പെലേ' ഗോൾ നേടിയത്. ബാക്കിയുള്ളവരെല്ലാം അവരുടെ പതിനെട്ടാം വയസ്സിലാണ് ഈ നേട്ടം കൈവരിച്ചത്. 1958 ലെ ലോകകപ്പിൽ പെലെ നേടി യെടുത്ത റെക്കോർഡാണ് ഇപ്പോൾ ലമീൻ യമാൽ മറികടന്നത്. അവന്റെ പതിനേഴാം പിറന്നാൾ ജൂലൈ പതിമൂന്നിനായിരുന്നു.

പഠിക്കേണ്ടേ?