"വീടു ഭരിക്കാനും പഠിക്കാനുണ്ട്!

ഹോം സയൻസിന്റെ സാധ്യതകൾ പല മേഖലകളിലാണ്

- ബി.എസ്.വാരിയർ

വീട് കാര്യക്ഷമമായി ഭരിക്കാനുള്ള ശാസ്ത്രമാണ് ഹോം സയൻസ്. വീട്ടിലെ സാധനങ്ങൾ, കുടുംബാംഗങ്ങൾ, വീടിന്റെ വരവ് എന്നിവയെല്ലാം വീട്' എന്നതിൽ ഉൾപ്പെടും. കുടുംബാംഗങ്ങളെല്ലാം സന്തോഷത്തോടെ കഴിയുന്ന അന്തരീക്ഷം സൃഷ്ടിക്കാൻ പല ശാസ്ത്ര-മാനവികവിഷയങ്ങളിലെയും വിവരങ്ങൾ പ്രയോജനപ്പെടുത്തേണ്ടിവരും. സമൂഹത്തിലെ അടിസ്ഥാന യൂണിറ്റ് കുടുംബമാണ് എന്നോക്കുമ്പോൾ ഹോം സയൻസിന്റെ പ്രസക്തിയും പ്രാധാന്യവും വ്യക്തം.