கிசுகிசுல உண்மையும் இருக்கு பொய்யும் இருக்கு!

‘செல்லக்குட்டி ராசாத்தி போறதென்ன் சூடேத்தி...’ என தமிழ் ரசிகர்களை ஆட விட்டவர் மீண்டும் ‘கலகத் தலைவன்’ மூலம் உதயநிதி ஸ்டாலினுக்கு ஜோடியாக க்கண்சிமிட்டி ஹாய் சொல்கிறார் நிதி அகர்வால்.‘‘வெயிட்... தமிழ்லயே கேள்வி கேளுங்க. எனக்கு நல்லா தமிழ் தெரியும். இப்படித்தான் நான் எல்லா மொழியும் கத்துக்கறேன்...’’ என ஐந்து மொழிகளில் சரளமாகப் பேசுகிறார்.

- ஷாலினி நியூட்டன்

தமிழ் நல்லா பேசுறீங்களே?

பெங்களூரில் பிறந்ததுனால கன்னடம் தெரியும். முதல் படமே இந்தியில் அமைஞ்சதால இந்தியும் தெரியும். தொடர்ந்து தெலுங்கு, தமிழ் இப்படி நடிச்சுக்கிட்டு இருக்கற காரணத்தால் இந்த ரெண்டு மொழிகளும் கூட ஓரளவு வரும். எனக்கு மொழிகள் கத்துக்க ரொம்ப பிடிக்கும். எப்படி எல்லாம் கத்துக்க முடியுமோ அப்படி எல்லாம் கத்துக்க முயற்சி செய்துட்டே இருப்பேன்.

நிதி அகர்வால் நிதிக்கு யாரு?

மனசுல பட்டதை ஓப்பனா சொல்லிடுவேன். எப்பவுமே. எதையும் மறைத்து ஒளித்து பேசவே தெரியாது. வேலைன்னு வந்துட்டா எவ்வளவு முடியுமோ அவ்வளவு கடின உழைப்பை கொடுக்க தயாராக இருப்பேன். எல்லா விஷயத்தையும் எந்த அளவுக்கு பாசிட்டிவா எடுத்துக்க முடியுமோ அந்த அளவுக்கு பாசிட்டிவா எடுத்துக்குவேன்.

எதையுமே ஓப்பனா வெளிப்படையா பேசுகிற நபர்களை சமூகம் ஒரு கட்டத்தில் வில்லியாகப் பார்க்குமே?