அரண்மனை குடும்பம்

அசோகமித்திரனின் பஞ்சபூதங்களைப் போல பொது 1வாய் எல்லோருக்கும் ஏன் இந்த அமானுட அனுப வங்கள் இருப்பதில்லை என்கிற கேள்விக்கு சிரித்துக் கொண்டே பதில் சொல்லலானார் மண்ணாங்கட்டியார்.

- இந்திரா சௌந்தர்ராஜன்

"எல்லாமே எல்லோருக்கும் பொதுவா இருக்கக்கூடாது; இருக்க முடியாதுங்கறதுதான் அசோகா இயற்கை விதி... நல்லா யோசிச்சா உனக்கே புரியும்..."

“ஆமாம் குரு... மனித வாழ்க்கையே எந்த சுவாரஸ்யமும் இல்லாத ஒண்ணா, எதற்காக வாழறோம்கறதே தெரியாம போயிடும்..."

"உடனேயே புரிஞ்சிகிட்டியே..! பலே! எல்லாமே இரண்டு இரண்டா இருக்கறதுதான் உலகம். மனித இனம் ஒண்ணு. ஆனா, அதுல ஆண் - பெண்ணுன்னு பிரிவு இரண்டு. அதே போல உணர்வு ஒன்று. ஆனா, அதுல இன்பம் - வலின்னு பிரிவு இரண்டு. சுவையும் ஒண்ணுதான். ஆனா, அதுல கசப்பு, இனிப்புன்னு பிரிவு இரண்டு. பூமி கூட ஒண்ணுதான். ஆனா, பகல் இரவுன்னு அதுல பிரிவு இரண்டு.

ஒண்ணு இரண்டா இருந்தாதான் அந்த ஒண்ணை துல்லியமா விளங்கிக்க முடியும். வானுலகத்தில்கூட தேவர்கள், அசுரர்கள் அப்படின்னு இரண்டு பிரிவு உண்டு.