കഥാപാത്രങ്ങളായി സ്വയം മാറിയാൽ സിനിമ വിജയിക്കും

ഇനി ഉത്തരം

- പ്രതീഷ് ശേഖർ

എങ്ങനെയുള്ള ചിത്രങ്ങളാണ്, കഥകളാണ് അപർണ്ണയ്ക്ക് കൂടുതൽ ഇഷ്ടം? ഇനി ഉത്തരം ആ ഗണത്തിൽപ്പെടുമോ?

ഫസ്റ്റ് ത്രില്ലർ മൂവി എനിക്കിഷ്ടമാണ്. കാണുമ്പോൾ ഭയങ്കരമായിട്ട് ഇന്ററാക്ട് ചെയ്യാറുണ്ട്. വളരെ കുറച്ച് മൂവികൾ കാണുന്ന ഒരാളാണ്. എനിക്ക് ത്രില്ലേഴ്സ് വായിക്കാൻ ഭയങ്കര ഇഷ്ടമാണ്. എപ്പോഴും ഈയൊരു ജോണർ ഭയങ്കര എനിക്കിഷ്ടമാണ്. കഥ പറഞ്ഞുതുടങ്ങിയപ്പോൾ തന്നെ നമ്മൾ സ്ഥിരമായി കേൾക്കുന്നതല്ലാണ്ട് ഭയങ്കര സ്ട്രക്ചറുള്ള ഒരു സിനിമയായി  ഉത്തരം അനുഭവപ്പെട്ടു.

ഈ സിനിമയിലെ ജാനകിയെ കാണുമ്പോഴേക്കും പല കാര്യങ്ങളും സമൂഹത്തിൽ എത്തിക്കാൻ വേണ്ടിയുള്ള പോരാട്ടം തന്നെയാണോ വിഷയം?

ആണ്. അതൊരു ഫൈറ്റാണ്. അതിനു വേണ്ടിയിട്ടാണ് ഒരുപാട് കാര്യങ്ങളിലൂടെ ജാനകി എന്ന ക്യാരക്ടർ കടന്നുപോകുന്നത്. അത് ട്രെയ്ലർ കാണുമ്പോൾ മനസ്സിലാകും. ഇവിടെ നടക്കുന്ന കുറച്ച് ചോദ്യങ്ങൾക്ക് ഉത്തരം കൊടുക്കുന്ന സിനിമയായിരിക്കും ഇത്.

അപർണ്ണയുടെ ഷോൾഡറിലാണ് ഈ സിനിമ എന്ന് തിരക്കഥാകൃത്തുക്കൾ തന്നെ പറയുകയുണ്ടായി. സ്ത്രീകഥാപാത്രം ഒരു കേന്ദ്രകഥാപാത്രമായി മാറുമ്പോൾ അതിൽ കുറച്ച് കംഫർട്ടബിൾ കിട്ടാറുണ്ടോ?

അങ്ങനെയില്ല. അങ്ങനൊരു ക്യാരക്ടർ കിട്ടുക എന്നുപറയുന്നത് ഭയങ്കരമായ ഒരു ഭാഗ്യമായിട്ട് തോന്നിയിട്ടുണ്ട്. ഇപ്പറഞ്ഞതുപോലെ സ്ക്രിപ്റ്റ് ഒന്നു കേൾക്കുമ്പോൾ തന്നെ പ്രൊഡ്യൂസ് ചെയ്യാൻ ഒരുപാട് പേരുണ്ട്. പക്ഷേ ഇതിന്റെ പ്രൊഡ്യൂസേഴ്സിനെപ്പറ്റി എടുത്തുപറയേണ്ടതാണ്. കാരണം സിനിമ തുടങ്ങുന്ന ദിവസം തൊട്ട് തീരുന്ന ദിവസം വരെ ഒരു പാട് എഫർട്ട് എടുക്കുന്നുണ്ട്. അത് എനിക്ക് ഭയങ്കര സന്തോഷം തോന്നുന്ന ഒരു കാര്യമാണ്. അതുപോലെ തന്നെ എല്ലാവർക്കും കാണാൻ പറ്റുന്ന ഒരു ടൈപ്പ് സിനിമയാണ്.

ഇനി ഉത്തരം സംവിധാനം ചെയ്തിരിക്കുന്നത് സുധീഷ് രാമചന്ദ്രനാണ്. അദ്ദേഹം വളരെ വർഷങ്ങളായി സംവിധാനസഹായിയായി ജീത്തു ജോസഫിനൊപ്പം വർക്ക് ചെയ്ത ഒരു വ്യക്തിയുമാണ്. അദ്ദേഹത്തെക്കുറിച്ച്