ഈസ്റ്റ്കോസ്റ്റ് വിജയൻറെ കള്ളനും ഭഗവതിയും

കള്ളനും ഭഗവതിയും എന്ന ചിത്രത്തിന്റെ സാരാംശം

- എം.എസ്. ദാസ് മാട്ടുമന്ത

പാവങ്ങളുടെ ഊട്ടിയെന്നറിയപ്പെടുന്ന നെല്ലിയാമ്പതി ഇംഗ്ലീഷുകാരുടെ പ്രിയപ്പെട്ട ഭൂപ്രകൃതിയായിരുന്നു. ബ്രിട്ടീഷ് കൊളോണിയൽ കാലത്ത് സായിപ്പന്മാർ ഈ മലനിരകളിലാണ് ഒഴിവുകാലം ആസ്വദിക്കാൻ എത്തിയിരുന്നത്. സഞ്ചാരികളുടെ പറുദീസകളിലൊന്നായ നെല്ലിയാമ്പതിയും പറമ്പിക്കുളവും സീതാർക്കുണ്ട് വെള്ളച്ചാട്ടവും സിനിമാക്കാരുടെ ഭാഗ്യ ലൊക്കേഷനുകൾ കൂടിയാണ്.

പശ്ചിമഘട്ടത്തിന്റെ ഭാഗമായ നയനമനോഹരമായ കാഴ്ച സമ്മാനിക്കുന്ന നെല്ലിയാമ്പതി മലനിരകളുടെ താഴ്വരയിലുള്ള പ്രകൃതിരമണീയമായ ചിങ്ങൻചിറയിലാണ് ഈസ്റ്റ്കോസ്റ്റ് വിജയൻ സംവിധാനം ചെയ്യുന്ന കള്ളനും ഭഗവതിയും എന്ന സിനിമയുടെ ചിത്രീകരണം നടന്നത്.

മലയാളത്തിന് പുറമെ കേരളത്തിന്റെയും തമിഴ്നാടിന്റെയും അതിർത്തി പ്രദേശമായതിനാൽ തമിഴിലെയും തെലുങ്കിലേയും നിരവധി സൂപ്പർ ഹിറ്റ് ചിത്രങ്ങളുടെ ഭാഗ്യ ലൊക്കേഷൻ കൂടിയാണ് ചിങ്ങൻചിറ. കൊല്ലങ്കോട് ടൗണിൽ നിന്ന് അഞ്ച് കിലോമീറ്റർ അകലെയുള്ള ചിങ്ങൻചിറയിൽ ചിത്രീകരണം നടക്കുന്ന കള്ളനും ഭഗവതിയും എന്ന ചിത്രത്തിന്റെ സെറ്റിലേക്ക് ഞങ്ങൾ കടന്നുചെല്ലുമ്പോൾ ഉത്സവത്തിന്റെ പ്രതീതിയായിരുന്നു.