സ്ത്രീശാക്തീകരണവുമായി റേച്ചൽ

റേച്ചലിനെ പ്രേക്ഷകർ ഹൃദയത്തോട് ചേർത്ത് നിർത്തുമെന്നാണ് പ്രതീക്ഷിക്കുന്നതെന്നും എബ്രിഡ് ഷൈൻ പറഞ്ഞു

- എം.എസ്. ദാസ് മാട്ടുമന്ത

ഇതിവൃത്തഘടനയുടെ കരുത്തും, പ്രേക്ഷകഹൃദയങ്ങളെ വിസ്മയിപ്പിക്കുന്ന വിധത്തിലുള്ള കഥയുടെ ഒഴുക്കും, വർത്തമാ നകാല മലയാളസിനിമയുടെ മുഖമുദ്രയാ വുന്ന കാലത്ത് സിനിമയെന്ന മാധ്യമം കൂടു തൽ നവീകരിക്കപ്പെടുകയാണ്. സ്ത്രീ ശാക്തീകരണത്തിന്റെ ഊഷ്മളത സാമൂഹ്യ ജീവിതത്തിന്റെ സമസ്ത മേഖലകളിലും പ്രസരിക്കുമ്പോൾ സ്ത്രീയുടെ പോരാട്ടവീ ര്യവും അതിജീവനവും അനാവരണം ചെയ്യുന്ന റേച്ചൽ എന്ന സിനിമ പ്രകൃതി യുടെ വരദാനമായ, നയനമനോഹരമായ കാഴ്ച അണിയിച്ചൊരുക്കുകയാണ്.

ഹണിറോസിനെ കേന്ദ്ര കഥാപാത്രമാക്കി സംവിധായകൻ എബ്രിഡ് ഷൈൻ അവതരിപ്പിക്കുന്ന നവാഗതയായ ആനന്ദിനി ബാല സംവിധാനം ചെയ്യുന്ന റേച്ചലിന്റെ ചിത്രീകരണം പുരോഗമിക്കുകയാണ്.

പാലക്കാട് ജില്ലയിലെ കിഴക്കൻപ്രദേശമായ കൊടുവായൂരിലെ ഇരട്ടോട് ചിത്രീകരണം നടന്ന റേച്ചലിന്റെ സെറ്റിലേക്ക് ഞങ്ങൾ കടന്നുചെല്ലുമ്പോൾ ഷൂട്ടിംഗ് കാണാനെത്തിയവരുടെ നല്ല തിരക്കുണ്ടായിരുന്നു. നൂറ്റാണ്ടുകൾ പഴക്കമുള്ള കുറ്റൻ ആൽമരങ്ങളുടെ വള്ളി പടർപ്പുകൾക്കിടയിൽ അങ്ങാടി യുടെ സെറ്റിട്ടിരിക്കുന്നു. ഇറച്ചി കടകളുടെ സെറ്റാണ് പ്രധാന ആകർഷണം. ധാരാളം ജൂനിയർ ആർട്ടിസ്റ്റുകളുടെ അകമ്പടിയോടെ കൈലി മുണ്ടും ജായ്ക്കറ്റുമണിഞ്ഞ ഇറച്ചിവെട്ടുന്ന ഹണി റോസിന്റെ സീനാണ് പ്രധാനമായും ചിത്രീകരിച്ചത്.