വില്ലൻമാർ കോമഡി പറയുമ്പോൾ, 'എക്സ്പറ്റേഷൻസ് ബ്രേക്ക്....

കിലുക്കവും, മിന്നാരവും, മാന്നാർ മത്തായി സ്പീക്കിംഗും ഒക്കെപ്പോലെ തീയേറ്ററിൽ നോൺസ്റ്റോപ്പ് ചിരി പടർത്തിയ ചിത്രങ്ങൾക്കായി കാത്തിരിക്കുന്ന പ്രേക്ഷകർ ഇന്നും നിരവധിയാണ്

- അനീഷ് മോഹനചന്ദ്രൻ

ശശിയേട്ടാ...

എഴുതിക്കോ.... മല്ലിപ്പൊടി നൂറ്, മുളുകുപൊടി 50, പച്ചമുളക് 100, ഉള്ളി കാൽക്കിലോ രണ്ട് രാധാസ്. ആഷിഖ് അബുവിന്റെ സംവിധാനത്തിൽ 2011 ൽ പുറത്തിറങ്ങിയ സോൾട്ട് ആന്റ് പെപ്പർ എന്ന ചിത്രത്തിലെ ശശിയെന്ന കഥാപാത്രം പല ചരക്കുകടക്കാരനോട് പറയുന്ന സംഭാഷണമാണ് മേൽപ്പറഞ്ഞത്. ഇത് തീയേറ്ററിൽ ഒന്നടങ്കം പൊട്ടിച്ചിരി പടർത്തിയിരുന്നു. പ്രസ്തുത ചിത്രത്തിന്റെ ടീസർ ആരംഭിച്ചതും ഇതേ ഡയലോഗിൽ തന്നെ ആയിരുന്നു. അസ്വാഭാവികമായ നർമ്മത്തിന്റെ മേമ്പോടി വിതറാൻ മാത്രം മാസ്മരികതയൊന്നും ഈ ഡയലോഗിന് ഇല്ലായിരുന്നു എന്നത് നേര്. എന്നിട്ടും എന്തുകൊണ്ട് പ്രേക്ഷകർ ചിരിച്ചു എന്ന് ചോദിച്ചാൽ അത് പറഞ്ഞത് ബാബുരാജ് എന്ന നടനായിരുന്നു എന്നതാണ് ഉത്തരം. അന്നേവരെ മലയാളസിനിമ കണ്ടിട്ടുള്ള കടു കട്ടി വില്ലൻമാരിലെ മുൻനിരക്കാരനായിരുന്നു ബാബുരാജ്.

നായകൻമാരെ ഇടിച്ചു മലർത്താനും നായികയുടെ കയ്ക്ക് കടന്നുപിടിക്കാനും തട്ടിക്കൊണ്ടുപോയി ബലാൽസംഗം ചെയ്യാനും മാത്രം മലയാളസിനിമ ഉപയോഗിച്ചിരുന്ന ബാബുരാജ് കുളിച്ച് കുട്ടപ്പനായി തലയിൽ എണ്ണയൊക്കെ തേച്ച് മുടി ചീകി ഒതുക്കിയ ശേഷം സ്ത്രൈണഭാവം തുളുമ്പുന്ന ശബ്ദത്തിൽ രണ്ട് രാധാസ് എന്നു കൂടി പറയുമ്പോൾആരാണ് ചിരിക്കാത്തത്...അല്ലേ ?