વર્મા સાહેબનું આવી બન્યું

વર્મા સાહેબનું રિટાયરમેન્ટ ધામધૂમથી થયું. ઘરે દાવત આપવામાં આવી, પરંતુ ત્યાર પછી તેમની પત્નીએ એવો બોમ્બ ફોડ્યો કે વર્મા સાહેબના પગ નીચેથી જમીન સરકી ગઈ..

-  અશોક ગૌતમ

આ મહિનાની ૩૦ તારીખે અમારા મહોલ્લાના વર્મા સાહેબ રિટાયર થઈને ગાડીમાં ગળામાં પોતાના વજન કરતા વધારે ભારે એવા ફૂલહારો લટકાવીને સાહેબની બાજુમાં બેસીને આવ્યા, ત્યારે પૂરા મહોલ્લાના લોકો આશ્ચર્યમાં પડી ગયા.

ગળામાં ફૂલહારો પહેરેલા વર્મા સાહેબ તે સમયે તેમની બાજુમાં બેઠેલા તેમના સાહેબના તેમના હોદાવાળા જ્યારે તેઓ પોતાના સાહેબના હોદાવાળા દેખાતા હતા. તે સમયે તેમણે પોતાના ગળા પરના ફૂલહારોને બરાબર પકડી રાખ્યા હતા.

વર્મા સાહેબને તે સમયે ચિંતા હતી તો માત્ર એ જ કે ક્યાંક તેમના સાહેબ તેમના ગળામાંથી ફૂલહારો કાઢીને ક્યાંક પોતાના ગળામાં નાખી ન દે. જ્યારે તેમના સાહેબ તેમના ગળાના ફૂલહારોને ઠીક કરવા લાગતા, ત્યારે તેમને લાગતું કે જાણે તેઓ તેમના ગળા પરની માળાને છીનવવાની કોશિશ કરી રહ્યા ન હોય.

ખૂબ ચાલાક હતા વર્મા સાહેબના સાહેબ. બધાના લાભને એમ જ પોતે લઈ લેતા હતા અને કોઈને તેની જાણ સુધ્ધા થવા દેતા નહોતા. જેટલાને તેની જાણ થતી તે પહેલાં સાહેબ કામ પતાવી દેતા હતા. આમ પણ ફૂલહારનો મોહ હોય છે જ એવો કમનસીબ. જેના ગળામાં જેમતેમ કરીને પડી ગયા, ત્યાર પછી બચાવવા ખૂબ મુશ્કેલ હોય છે.

તે સમયે મહોલ્લાવાળા વર્મા સાહેબના ગળામાં તેમના વજન કરતા વધારે વજન ધરાવતા ફૂલહારોને જોઈને ઈશારાઈશારામાં લોકો પણ એકબીજા સાથે વાત કરવા લાગ્યા, ‘અરે, આપણે વર્મા સાહેબને સામાન્ય માણસ જ સમજતા હતા કે તેઓ ઓફિસમાં ક્લાસ થ્રી હશે, પરંતુ તેઓ આજે સાહેબના પણ બાપ દેખાઈ રહ્યા છે. અમે વિચાર્યું હતું કે રિટાયરમેન્ટના દિવસે રોજની જેમ ચાલતાંચાલતાં તેઓ ઘરે આવશે, જેવી રીતે રોજ આવે છે.’’

ભલે ને મહોલ્લાના લોકો તેમને મહોલ્લાની દાળ સમજતા હોય તો સમજતા રહે, પરંતુ તેઓ ભજિયાથી જરા પણ ઊતરતા નહોતા અને તે પણ વેસણના નહીં, પરંતુ પનીરના. એ તો અમારા વર્મા સાહેબનો આભાર માનો કે તેઓ નમ્ર હતા, બાકી જો બીજું કોઈ તેમના જેવા હોદાનો કર્મચારી હોત તો પૂરા મહોલ્લાને પરેશાન કરી દીધો હોય અને તે પણ દિવસમાં ૧૦-૧૦ વાર.