വളർത്താം അതിജീവനശേഷി

അപ്രതീക്ഷിതമായുണ്ടാകുന്ന പ്രതികൂല സാഹചര്യങ്ങളെ ശാന്തമായി അംഗീകരിച്ചുകൊണ്ട് നേരിടാനും പൊരുത്തപ്പെടാനും വീണ്ടും പ്രവർത്തിച്ച് മുന്നേറാനുമുള്ള ശക്തിയാണ് അതിജീവനശേഷി

- ഡോ.സെബിൻഎസ്.കൊട്ടാരം കൺസൾട്ടന്റ്സൈക്കോളജിസ്റ്റ് മോട്ടിവേഷണൽട്രെയ്നർ drsebinskottaram.blogspot.com

ചിലർ അപ്രതീക്ഷിതമായ പ്രതിസന്ധികളിൽ തളർന്നു പോകും. മറ്റു ചിലരാകട്ടെ ആ പ്രതിസന്ധികളെ ശാന്തമായി നേരിട്ടുകൊണ്ട് വീണ്ടും പഴയപടി മുന്നേറും. പ്രയാസങ്ങൾ ഉണ്ടാകുമ്പോൾ സാധാരണനിലയിലേക്ക് വേഗത്തിൽ മടങ്ങാനുള്ള കഴിവാണ് ഇത്തരക്കാരുടെ ശക്തി. തിരിച്ചടികളെ നേരിടാനുള്ള കഴിവാണിത്. വെല്ലുവിളികളും പ്രതിസന്ധികളുമുണ്ടാവുമ്പോൾ, തിരിച്ചടികളിൽ തളരാതെ, സാധാരണനിലയിലേക്ക് മടങ്ങിവരാനും വീണ്ടും പ്രവർത്തിക്കാനുമുള്ള ശക്തിയാണ് അതിജീവനശേഷി.

അപ്രതീക്ഷിതമായുണ്ടാകുന്ന പ്രതികൂല സാഹചര്യങ്ങളെ ശാന്തമായി അംഗീകരിച്ചുകൊണ്ട് നേരിടാനും പൊരുത്തപ്പെടാനും വീണ്ടും പ്രവർത്തിച്ച് മുന്നേറാനുമുള്ള ശക്തിയാണിത്. ഇവിടെ പ്രശ്നങ്ങളെ ഇല്ലാതാക്കുകയല്ല. മറിച്ച് പ്രശ്നങ്ങളെയും ബുദ്ധിമുട്ടുകളെയും ശരിയായ രീതിയിൽ നേരിട്ട് അതിജീവിക്കാൻ ഒരു വ്യക്തിയെ ശക്തിപ്പെടുത്തുന്നു.

അതിജീവനശേഷിയുള്ളവർ പ്രശ്നങ്ങളെ ഭയക്കില്ല. മറിച്ച് തലയ്ക്കുമീതെ വെള്ളം വന്നാൽ അതുക്കുമീതെ തോണി' എന്ന ചിന്താഗതിവെച്ചുപുലർത്തും. അതായത്, എന്നെ മുക്കുന്ന വലിയ പ്രളയം വന്നാലും ഒരു തോണിയിൽ എനിക്ക് അതിനെ അതിജീവിക്കാൻ കഴിയുമെന്ന ആത്മവിശ്വാസം. അതിജീവനശേഷി വിഷാദത്തെയും ഉത്കണ്ഠയെയും കുറയ്ക്കും.

അതിജീവനശേഷിയുള്ളവർ അപ്രതീക്ഷിത പരാജയങ്ങളിലും തിരിച്ചടികളിലും നിരാശപ്പെട്ട് വിഷാദിച്ചിരിക്കാതെ പ്രശ്നപരിഹാരത്തിന് പുതിയ വഴികൾ പരീക്ഷിച്ചു കൊണ്ടിരിക്കും.

പ്രത്യേകതകൾ

 ഇത്തരക്കാർ ബുദ്ധിമുട്ടുകളെ തളർത്തുന്ന അനുഭവങ്ങളായി കരുതാതെ വെല്ലുവിളികളായി നേരിടും.