ആരോഗ്യമേഖലയിൽ അന്താരാഷ്ട്ര ഐക്യദാർഢ്യം

അന്താരാഷ്ട്രസഹകരണവും ഐക്യദാർഢ്യവും സാങ്കേതിക വിദ്യാകൈമാറ്റങ്ങളും സംയുക്തഗവേഷണങ്ങളുമില്ലാതെ ഭാവിയിൽ ആരോഗ്യപ്രതിസന്ധികളെ ഒരു രാജ്യത്തിനും ഒറ്റയ്ക്ക് പ്രതിരോധിക്കാൻ കഴിയില്ലെന്ന് കോവിഡ് കാലം തെളിയിച്ചിരുന്നു

- ഡോ.ബി.ഇക്ബാൽ

ഇന്ത്യ അധ്യക്ഷപദവി വഹിക്കുന്ന ജി-20 ഉച്ചകോടിയുടെ ആരോഗ്യ വർക്കിങ് ഗ്രൂപ്പ് യോഗങ്ങളിൽ ആദ്യത്തെത് തിരുവനന്തപുരത്ത് നടന്നു. മഹാമാരികളും പകർച്ചവ്യാധികളും ദീർഘസ്ഥായിരോഗങ്ങളും വർധിച്ചുവരുന്ന പശ്ചാത്തലത്തിൽ എങ്ങനെ സുസ്ഥിര മായ ആരോഗ്യസുരക്ഷാസംവിധാനങ്ങൾ ഉറപ്പുവരുത്താമെന്നതായിരുന്നു സമ്മേളനം ചർച്ചചെയ്യത്. ആരോഗ്യമേഖലയിലെ പ്രശ്നങ്ങൾ തരണം ചെയ്താൽ സാമ്പത്തികമടക്കമുള്ള മറ്റ് മേഖലകളിലെയും സുസ്ഥിരവളർച്ച ഉറപ്പുവരുത്താമെന്നും വർക്കിങ് ഗ്രൂപ്പ് ചർച്ച ചെയ്തു.

കോവിഡ് മഹാമാരികാലത്തെ അനുഭവങ്ങൾ ഉൾകൊണ്ടാണ് ആരോഗ്യ വർക്കിങ് ഗ്രൂപ്പ് യോഗങ്ങൾ സംഘടിപ്പിക്കാൻ ജി-20 തീരു മാനിച്ചത്. അന്താരാഷ്ട്ര സഹകരണവും ഐക്വദാർഢ്യവും സാങ്കേതികവിദ്യാ കൈമാറ്റങ്ങളും സംയുക്തഗവേഷ ണങ്ങളുമില്ലാതെ ഭാവിയിൽ ആരോഗ്യപ്രതിസന്ധികളെ ഒരു രാജ്യത്തിനും ഒറ്റയ്ക്ക് പ്രതിരോധിക്കാൻ കഴിയില്ലെന്ന് കോവിഡ് കാലം തെളിയിച്ചു. ഇതോടൊപ്പം കാലാവസ്ഥാ വ്യതിയാനം പ്രകൃതിപ്രതിഭാസങ്ങൾ വർധിച്ചുവരുന്നതി ലേക്കും ഭക്ഷ്യക്ഷാമത്തിനും പോഷണക്കുറവിനും പട്ടിണിക്കും കാരണമാവുകയും ചെയ്യുന്നു. സൂര്യതാപം (Sun Stroke) പോലുള്ള ആരോഗ്യ പ്രശ്നങ്ങൾക്കുപുറമേ പ്രാണിജ ന്വരോഗങ്ങൾ, മലിനജലത്തിലൂടെ പകരുന്ന രോഗങ്ങൾ എന്നിവയെല്ലാം വർധിക്കുന്നു. കാലാവസ്ഥാവ്യതിയാനം മാനസികാരോഗ്യത്തെയും പ്രതികൂലമായി ബാധിക്കുന്നുണ്ട്. കാര്യങ്ങൾ ഇങ്ങനെ തുടർന്നാൽ, 2030-നും 2050-നുമിടയിൽ കാലാവസ്ഥാവ്യതിയാനം മൂലമുള്ള രോഗങ്ങളിലൂടെ വർഷംതോറും 2,50,000 പേർ കൂടുതലായി മരിക്കുമെന്ന് കണക്കാക്കപ്പെടുന്നു. ആരോഗ്യമേഖലയിലെ പ്രത്യാഘാത ങ്ങൾ 2030 ആവുമ്പോഴേക്കും ആഗോളതലത്തിൽ ഏറ്റവും കുറഞ്ഞത് 200- 400 കോടി ഡോളറിന്റെ അധികച്ചെലവിലേക്കു നയിക്കുമെന്ന് കണക്കാക്കപ്പെട്ടിട്ടുണ്ട്.