വായ്പയെടുക്കാം, വരവിനനുസരിച്ച്

ഹൗസിങ് ലോണിനെ കുറിച്ച് ഫെഡറൽ ബാങ്ക് സീനിയർ വൈസ് പ്രസിഡന്റും കൺട്രി ഹെഡുമായ (റീട്ടയിൽ അസറ്റ്സ് ആൻഡ് കാർഡ്സ്) കെ.ജി. ചിത്രഭാനു സംസാരിക്കുന്നു

- നഹീമ പൂന്തോട്ടത്തിൽ

കാറ്റും വെയിലും മഴയും കൊള്ളാതെ താമസിക്കാവുന്ന ഇടം എന്നതാണ് വീടിന്റെ അടിസ്ഥാന സ്വഭാവം. മാതാപിതാക്കളും മക്കളും മരുമക്കളും മുത്തശ്ശിയും മുത്തശ്ശനുമുൾപ്പെടെയുള്ളവർ ഒരു കൂരക്കുകീഴിൽ ഒരുമിക്കുമ്പോഴാണ് അതൊരു കുടുംബമാകുന്നത്.

സ്വന്തമായി വീട് എന്നത് എല്ലാവരുടെയും സ്വപ്നമാണ്. മുഴുവൻ പണവും കൈയിൽ കരുതി വീടുപണിക്ക് ഇറങ്ങുന്നവർ വളരെ കുറവായിരിക്കും. പണമുണ്ടാകുന്നതനുസരിച്ച് സാവധാനത്തിൽ വീടുപണി നടത്തുന്നവരുണ്ട്. അതിനും കഴിയാത്തവർ ബാങ്കിലേക്ക് ഓടുകയാണ് ചെയ്യുന്നത്, ഹോം ലോൺ എന്ന സാധ്യതയെ കുറിച്ചന്വേഷിക്കാൻ. ലോണെടുക്കുംമുമ്പ് നിരവധി കാര്യങ്ങൾ അറിഞ്ഞിരിക്കുകയും തെറ്റിദ്ധാരണകൾ അകറ്റുകയും വേണം. ഹോം ലോണിന്റെ പ്രത്യേകതകളെക്കുറിച്ചും ശ്രദ്ധിക്കേണ്ട കാര്യങ്ങളെക്കുറിച്ചും ഫെഡറൽ ബാങ്ക് സീനിയർ വൈസ് പ്രസിഡന്റും കൺട്രി ഹെഡുമായ (റീട്ടയിൽ അസറ്റ്സ് ആൻഡ് കാർഡ്സ്) കെ. ജി. ചിത്രഭാനു സംസാരിക്കുന്നു.

ഹോം ലോണെടുത്ത് വീടുവെക്കുക എന്നത് പലർക്കും ഹിമാലയൻ ടാസ്കാണ്. എന്തുകൊണ്ടാണിങ്ങനെ സംഭവിക്കുന്നത്?

ബാങ്കിങ്ങിന്റെ എല്ലാ പ്രക്രിയകളും ആളുകൾ കുഴപ്പം പിടിച്ച സംഗതിയായാണ് കരുതിപ്പോരുന്നത്. ചെറിയൊരു കാർ ലോണെടുക്കുന്ന കാര്യത്തിൽ പോലും ആളുകൾക്ക് കൃത്യമായ ധാരണ ഉണ്ടാവാറില്ല. എന്തടിസ്ഥാനത്തിലാണ് നമുക്ക് നൽകുന്ന വായ്പത്തുക നിർണയിക്കുന്നതെന്നും ഇ.എം.ഐ (ഇക്വേറ്റഡ് മജ്ലി ഇൻസ്റ്റാൾമെന്റ്) എങ്ങനെ നിശ്ചയിക്കുന്നുവെന്നും പലർക്കുമറിയില്ല. എന്താണ് ഇ.എം.ഐ എന്നുപോലും അറിയാത്ത ആളുകളുണ്ട്.

ഭവന വായ്പാ നടപടിക്രമം എളുപ്പത്തിലാക്കാൻ എന്തെല്ലാം കാര്യങ്ങളാണ് ബാങ്കിങ് സംവിധാനങ്ങൾ നടപ്പാക്കുന്നത്?