મોંઘા મશરૂમના મીઠા મોલ

જમીન અને પાણીના નહીંવત્ ઉપયોગથી મશરૂમની ખેતી કરી શકાય છે, જે સૌરાષ્ટ્ર જેવા પાણીની અછતવાળા પ્રદેશ માટે આશીર્વાદ સમાન છે. આ વિસ્મયકારી ખેતીપેદાશ ખેતરમાં નહીં, પણ ઘરે ઉગાડી શકાય છે. મશરૂમનું દેશ કરતાં વિદેશમાં મોટું માર્કેટ હોવાથી હવે ઘણા સાહસિકો આ ખેતી તરફ આકર્ષાય છે.

- દેવેન્દ્ર જાની (રાજકોટ)

કોરોના કાળમાં ઘરે નવરા બેઠા મોબાઈલમાં વિડિયો જોઈ, મિત્રો સાથે ગપ્પાં મારીને સમય પસાર કરતાં ત્યારે અચાનક વિચાર આવ્યો કે આ મશરૂમ શું છે? એની ખેતી કેમ થાય? p;

‘આવા પ્રશ્નનો ઉત્તર મેળવવા એને લગતી માહિતી મેળવવાનું શરૂ કર્યું અને પછી તો રસ પડતો ગયો. સૌથી વિસ્મયકારી માહિતી એ મળી સૌરાષ્ટ્ર સૂકો પ્રદેશ છે, છતાં એમાં પાણી વિના મશરૂમની ખેતી થાય છે. બસ, પછી તો સાહસ કર્યું અને ઘરે જ મશરૂમની ખેતીનો પ્રયોગ ચાલુ કર્યો..'

હિતેશ મારડિયા: ભારતમાં હજી મશરૂમની ખાસ ખપત નથી.

રાજકોટમાં રહેતા હિતેશ મારડિયા આંખોમાં ચમક સાથે ચિત્રલેખાને પોતાના સાહસ વિશે જણાવે છે. મવડી વિસ્તારમાં સ્થિત હિતેશ મારડિયાનું ઘર આમ તો સામાન્ય જેવું જ છે, પણ મકાનમાં પહેલા માળે એક નાના રૂમમાં પ્રવેશ કરાવતાં પહેલાં હિતેશભાઈ તમને કોઈ ઑપરેશન થિયેટરમાં લઈ જતાં હોય એમ હૅન્ડ ગ્લવ્ઝ, માથા પર એક ખાસ કૅપ અને માસ્ક પહેરાવે છે. ત્યાર બાદ એકદમ ઠંડા એક નાના રૂમમાં પ્રવેશ કરીને જોઈએ તો ઘડીભર અચંબામાં પડી જવાય છે. કોઈ લૅબોરેટરીમાં આવી ગયા હોય એવું લાગે. હા, આ એક જાતની લૅબ જ છે, જ્યાં ચોક્કસ તાપમાન અને હવાના ફ્લોની મદદથી કાચની બરણીમાં મશરૂમ ઉગાડવામાં આવે છે.

ઘરમાં જ ખાસ લૅબોરેટરી ઊભી કરીને જમીન અને પાણી વિના મશરૂમની ખેતી કરવાનો ગુજરાતનો આ પહેલો પ્રયોગ હોવાનો દાવો કરતા હિતેશભાઈ ચિત્રલેખાને કહે છેઃ