തോപ്പിൽ ഭാസിക്ക് പ്രചോദനമായ കുഷ്ഠരോഗാശുപത്രിക്ക് 90

ചില്ലുമേടയിലിരുന്നെന്നെ കല്ലെറിയല്ലേ........ പാമ്പുകൾക്ക് മാളമുണ്ട് പറവകൾക്ക് ആകാശമുണ്ട് മനുഷ്യപുത്രന് തലചായ്ക്കാൻ മണ്ണിലിടമില്ല...

- ശ്രീക്കുട്ടൻ

ചില്ലുമേടയിലിരുന്നെന്നെ കല്ലെറിയല്ലേ........

പാമ്പുകൾക്ക് മാളമുണ്ട് പറവകൾക്ക് ആകാശമുണ്ട് മനുഷ്യപുത്രന് തലചായ്ക്കാൻ മണ്ണിലിടമില്ല...

സമൂഹത്തിലെ അന്ധവിശ്വാസങ്ങളുടെ ചുറ്റുമതിലിനുള്ളിൽ തളയ്ക്കപ്പെട്ടുപോയ കുറെ ജീവിതങ്ങൾ. കു ഷ്ഠരോഗം എന്ന മഹാമാരിയെ ജനം അറപ്പോടും വെറുപ്പോടും കണ്ടിരുന്ന കാലം. എന്നാലിന്ന് സമൂഹം അവരെ ഒറ്റപ്പെടുത്താതെ, ആട്ടിയോടിക്കാതെ കൂടെ കൂട്ടുന്നു. ഈ സാമൂഹിക മാറ്റത്തിന് അടിത്തറയിട്ടത് തോപ്പിൽ ഭാസി എന്ന മഹാമനുഷ്യനായിരുന്നു.

ശൂരനാട് പോലീസ് സ്റ്റേഷൻ ആക്രമണവുമായി ബന്ധപ്പെട്ട കേസിലെ പ്രതികൾക്കായി പോലീസ് തിരച്ചിൽ തുടങ്ങിയപ്പോൾ തോപ്പിൽ ഭാസി ഒളിവിൽ താമസിക്കാനായി എത്തിയത് നൂറനാട് ലെപ്രസി സാനറ്റോറിയത്തിനു സമീപമായിരുന്നു. അന്ന് തമിഴ്നാട്ടിൽ നിന്ന് ഉൾപ്പടെ നിരവധി കമ്മ്യൂണിസ്റ്റ് നേതാക്കൾ സാനറ്റോറിയത്തിൽ താമസിക്കുന്നുണ്ടായിരുന്നു. അവരുമായുള്ള ബന്ധം ദ്യഢപ്പെട്ടപ്പോൾ തോപ്പിൽ ഭാസി സാനറ്റോറിയത്തിലെ നിത്യസന്ദർശകനായി മാറി.