సబ్ రిజిస్ట్రార్ సార్ల బినామీ!

• సుమారు మూడువందల కోట్ల అసామట...? • బినామీ తీగలాగితే కదులుతున్న అవినీతి డొంక

• లక్షల విలువగల సామ్రాజ్యం కోట్లాదిగా విస్తరణ

• అవినీతి సొమ్ముతో బినామీ ఎమ్మెల్యే అవుతాడట

• గత ఇరవై ఏళ్లుగా కొనసాగుతున్న ఆర్ధిక దండయాత్ర.

• కేసుల మాఫీ కోసం కోట్లలో ఖర్చు చేశారట....

• ఎవరా వ్యక్తి..? ఏంటా కథ..?

- ఆదాబ్ హైదరాబాద్ ప్రత్యేక కథనం..!

హైదరాబాద్ 30,నవంబర్ (ఆదాబ్ హైదరాబాద్): డబ్బులు ఎవరికి ఊరికే రావు అని ఒక పెద్దాయన మాట వరుసకే చెప్పలేదు, వెదవ పనులు చేస్తే తప్ప పెద్దమొత్తంలో డబ్బులు ఎవరికీ రావు. నిజానికి ఆ పెద్దాయన అ మాటలు చెప్పక ముందు ఎవరిని ఆదర్శంగా తీసుకున్నాడో ఏమో తెలియదు గానీ తెలంగాణ రాష్ట్రంలో వివిధ జిల్లాలలో పని చేసిన కొందరు సబ్ రిజిస్టర్లు చేసిన పనిని చూస్తే బిత్తరపోవాల్సిందే ..సబ్ రిజిస్టర్లు కొంత మంది అధికారులతో కలిసి పెద్ద స్కాముకే తెర లేపారు.. మునుగోడు నియోజకవర్గంలోని ఒక మండలంలో పని చేసిన కొందరు అధికారులతో ఓ బినామీ కుమ్మక్కయి పెద్ద ఎత్తున ఈ ప్రాంతంలో భూములకు 2006 లో “రియల్ భూమ్ "వచ్చి నప్పటినుండి ఇదే నియోజకవర్గంలో పని చేసిన తహసీల్దార్ అండదండలతో రెచ్చిపోయి సబ్ రిజిస్టార్లతో కలిసి వందల కోట్ల ఆర్థిక సామ్రాజ్య విస్తరణకు బీజం వేశారు. దాంతో మునుగోడు నియోజక వర్గం లోని ఒక మండలంలో బినామీ సబ్ రిజిస్టర్లతో సహా అందరినీ తమ కనుసన్నల్లో పని చేసే విధంగా ఒప్పందం చేసుకొని వందల కోట్ల అక్రమార్జన కొనసాగిస్తూనే ఉన్నారు.

సబ్ రిజిస్ట్రార్ల అవినీతి సొమ్ము బినామీ పేరుతో

బినామీ సొమ్ము రియల్ ఎస్టేట్ వ్యాపారంలో..