ഒറ്റത്തുണിയിൽ ദേശീയ പതാക നെയ്ത് യുവാവ്

കേന്ദ്ര സർക്കാരിന്റെ ഹർ ഘർ തിരംഗ കാമ്പെയ്ൻ എന്ന ആശയം തനിക്ക് വളരെ ഇഷ്ടപ്പെട്ടുവെന്നും സത്യനാരായണ പറഞ്ഞു

ന്യൂഡൽഹി: ആന്ധ്രാപ്രദേശിലെ ചെറുകിട നെയ്ത്തുകാരനായ ആർ സത്യനാരായണ ജനശ്രദ്ധയാകർഷിച്ചിരിക്കുകയാണ്. അദ്ദേഹം ഒറ്റത്തുണിയിൽ 6.5 ലക്ഷം രൂപ ചിലവ് വരുന്ന പതാക നെയ്തിരിക്കുകയാണ് ഇദ്ദേഹം. പശ്ചിമ ആന്ധ്രാപ്രദേശിലെ ഗോദാവരി ജില്ലയിൽ നിന്നുള്ള ചെറുകിട നെയ്ത്തുകാരനാണ് സത്യനാരായണ. ചെങ്കോട്ടയിൽ തന്റെ പതാക ഉയർത്തണം എന്ന ആഗ്രഹത്തോടെ സ്വന്തം വീട് വിറ്റാണ് സത്യനാരായണൻ ലോകത്തിലെ ആദ്യത്തെ തുന്നലുകളില്ലാത്ത ദേശീയ പതാക നെയ്തത്.