നവീൻ ബാബുവിന്റെ മരണം സിബിഐ വരണം

കൊലപാതകമെന്ന് സംശയിക്കുന്നെന്ന് കുടുംബം

- ബി.വി. അരുൺ കുമാർ

തിരുവനന്തപരം: എഡിഎം നവീൻ ബാബുവിന്റെ മരണത്തിൽ സി ബി ഐ അന്വേഷണം ആവശ്യപ്പെട്ട് കുടുംബം. ഇതോടെ സംസ്ഥാന സർക്കാർ പ്രതിരോധത്തിലായി. ലാൻഡ് റവന്യൂ കമ്മിഷണർ വകുപ്പുതല അന്വേഷണം നടത്തി റിപ്പോർട്ട് കൈമാറിയിട്ടും അതുസംബന്ധിച്ച് നടപടിയെടുക്കാൻ സർക്കാർ തയാറാകാത്തതോടെയാണ് നവീൻ ബാബുവിന്റെ കുടുംബം വീണ്ടും കോടതിയെ സമീപിച്ചത്. ഉപതിരഞ്ഞെടുപ്പിനു മുമ്പുവരെ നവീൻ ബാബുവിന്റെ വിഷയം വലിയ ചർച്ചാ വിഷയമായിരുന്നെങ്കിലും അതിനു ശേഷം സർക്കാർ ഒരുതരത്തിലുള്ള ഇട പെടലുകളും നടത്തിയില്ലെന്നാണ് കുടുംബത്തിന്റെ ആരോപണം. മാത്രമല്ല പാർട്ടിയിലുള്ള വിശ്വാ സവും നഷ്ടപ്പെട്ടെന്ന് കുടുംബം പറയുന്നു. കണ്ണൂർ ജില്ലാ പഞ്ചായത്തു പ്രസിഡന്റായിരുന്ന പി.പി. ദിവ്യക്കെതിരെ കൂടുതൽ നടപടികളുണ്ടായിട്ടില്ല. മാത്രമല്ല കൈക്കൂലി വാങ്ങിയെന്ന് പരാതി ഉന്നയിച്ച പ്രശാന്തിനെ ഇതുവരെ പ്രതിചേർത്തിട്ടുമില്ല.