ദക്ഷിണാഫ്രിക്കയ്ക്ക് മുന്നിൽ മുനയൊടിഞ്ഞ് ഇന്ത്യ

ആദ്യ തോൽവി അഞ്ച് വിക്കറ്റിന്

പെർത്ത്: ട്വന്റി 20 ലോകകപ്പിൽ ഇന്ത്യയ്ക്ക് ആദ്യ തോൽവി. സൂപ്പർ 12 പോരാട്ടത്തിൽ ഇന്ത്യ ഉയർത്തിയ 134 റൺസ് വിജയലക്ഷ്യത്തിനായി ബാറ്റിങ്ങിന് ഇറങ്ങിയ ദക്ഷിണാഫ്രിക്ക രണ്ടു പന്തുകൾ ബാക്കി നിൽക്കേ വിജയിച്ചു. അർധ സെഞ്ചുറികൾ നേടിയ എയ്ഡൻ മാർകവും ഡേവിഡ് മില്ലറുമാണ് വിജയത്തിൽ നിർണായകമായത്.

തുടക്കത്തിൽ ദക്ഷിണാഫ്രിക്കൻ വിക്കറ്റുകൾ തുടർച്ചയായി വീണത് ഇന്ത്യയ്ക്ക് പ്രതീക്ഷ നൽകിയിരുന്നു. 5.4 ഓവറിൽ 24 റൺസ് ചേർക്കുന്നതിനിടെയാണ് അവർക്ക് മൂന്ന് വിക്കറ്റുകൾ നഷ്ടമായി. ക്വിന്റൺ ഡിക്കോക്ക് (1), റൈലി റുസ്സോ (0), ടെംബ ബവുമ (10) എന്നിവരാണ് പുറത്തായത്.