ദയനീയ തോൽവി: ഇന്ത്യയിൽ - ചരിത്രമെഴുതി കിവീസ്

12 വർഷത്തിന് ശേഷമാണ് ഇന്ത്യ സ്വന്തം മണ്ണിൽ തോൽക്കുന്നത്

പുണെ : ഇന്ത്യയുടെ യുവതാരങ്ങളും ക്യാപ്റ്റൻ രോഹിത് ശർമ്മയും വിരാട് കോലിയും ഉൾപ്പെടെയുള്ളവർ വിചാരിച്ചിട്ടും ഇന്ത്യയ്ക്ക് ദയനീയ തോൽവി. ഇന്ത്യൻ താരങ്ങൾ വിക്കറ്റിൽ അടിപതറിയതോടെ ന്യൂസിലൻഡ് 113 റൺസിന് വിജയം സ്വന്തമാക്കി.

359 റൺസ് വിജയലക്ഷ്യവുമായി ബാറ്റിങ്ങിന് ഇറങ്ങിയ ഇന്ത്യ, 60,2 ഓവറിൽ 245 റൺസിന് എല്ലാവരും പുറത്തായി. ഇതോടെ, മൂന്നു മത്സരങ്ങൾ ഉൾപ്പെടുന്ന പരമ്പര ന്യൂസീലൻഡ് ഉറപ്പാക്കി. ആദ്യ ടെസ്റ്റിലും കിവീസ് ഇന്ത്യയെ തോൽപ്പിച്ചിരുന്നു. പരമ്പരയിലെ മൂന്നാം മത്സരം നവംബർ ഒന്നു മുതൽ മുംബൈ വാങ്കഡെ സ്റ്റേഡിയത്തിൽ നടക്കും. സ്‌കോർ: ന്യൂസീലൻഡ് 259 & 255, ഇന്ത്യ 156 & 245. ഇന്ത്യയിൽ ആദ്യമായാണ് ന്യൂസീലൻഡ് ഒരു ടെസ്റ്റ് പരമ്പര വിജയിക്കുന്നത്. 12 വർഷത്തിന് ശേഷമാണ് ഇന്ത്യ സ്വന്തം മണ്ണിൽ തോൽക്കുന്നത്.