இங்கிலாந்து வரலாற்றில் வெள்ளையர் அல்லாத முதலாவது பிரதமர்!

இங்கிலாந்து நாட்டின் புதிய பிரதமராக ரிஷி சுனக் பதவி எற்றுள்ளார். இது ஒரு வரலாற்றுச் சிறப்பு மிக்க நிகழ்வாகும். ஏனென்றால் வெள்ளையர் அல்லாத முதலாவது பிரதமர் இவர் தான்.

அது மட்டுமல்லாது இங்கிலாந்தின் புதிய மன்னராக அறிவிக்கப்பட்டுள்ள மூன்றாம் சார்லஸ் செய்து வைத்துள்ள முதலாவது பதவிப் பிரமாணமும் இதுதான். அந்த வகையில் சார்லசுக்கும் ஒரு பெருமை கிடைத்துள்ளது.

இங்கிலாந்து நாடு பல நூற்றாண்டுகளாக வல்லரசாக திகழ்ந்து வருகிறன்றது. முற்காலத்தில் கடல் வலிமையில் மிகவும் சிறப்புற்று விளங்கியது.

அதனால் கடல் வழிகள் கண்டறியப்பட்ட பின்னர் பல ஐரோப்பிய நாடுகள் போட்டி போட்டு புதிய கண்டங்களையும் நாடுகளையும் கைப்பற்றத் தொடங்கின.