தீ விபத்தின் போது ரூ.37 கோடி சிக்கியதா? கைப்பற்றிய பணம் என்னுடையது அல்ல!

தீவிபத்தில் சிக்கியதாக கூறப்படும் ரூ.37 கோடி பணம் என் அல்ல என டெல்லி உயர்நீதிமன்ற நீதிபதி விளக்கம் அளித்துள்ளார்.

- 

டெல்லி உயர் நீதிமன்ற நீதிபதி யஷ்வந்த் வர்மா வீட்டில் கட்டுக்கட்டாக கணக்கில் வராத பணம் கைப்பற்றப்பட்ட விவகாரம் பூதாகரமாக வெடித்துள்ளது. இதில் ரூ.37 கோடி மதிப்புள்ள ரொக்கப் பணம் கைப்பற்றப்பட்டதாகவும், தவிர ரூ.11 கோடி மதிப்பிலான ரூபாய் நோட்டுகள் தீவிபத்தில் எரிந்து நாசமானதாகவும் கூறப்படுகிறது. இது தொடர்பான வீடியோ வெளியாகி பரபரப்பை ஏற்படுத்தியது.

இந்நிலையில் கைப்பற்றப்பட்ட பணம் என்னுடையது அல்ல என நீதிபதி யஷ்வந்த் வர்மா விளக்கம் அளித்துள்ளார். இந்த வழக்கு தொடர்பான விசாரணை அறிக்கை உள்ளிட்ட ஆவணங்களை பொதுவெளியில் வெளியிட்டுள்ள உச்சநீதிமன்றம், நீதிபதி மீதான குற்றச்சாட்டை விசாரிக்க 3 நீதிபதிகள் கொண்ட குழுவை நியமனம் செய்து ஆண்டு அலஹாபாத் உயர்நீதிமன்றம் உத்தரவிட்டுள்ளது.

கடந்த 2021-ஆம் நீதிமன்றத்தில் இருந்து இடமாற்றம் செய்யப்பட்டு டெல்லி உயர்நீதிமன்றத்தில் நியமனம் செய்யப்பட்டவர் நீதிபதி யஷ்வந்த் வர்மா.

டெல்லியில் உள்ள இவரது அதிகாரப்பூர்வ இல்லத்தில் கடந்த வாரம் மார்ச் 14-ஆம் தேதி இரவு ஹோலி கொண்டாட்டத்தின் போது தீவிபத்து ஏற்பட்டது.

இதையடுத்து தீயணைப்பு வீரர்கள் தீயை அணைக்கும் முயற்சியில் ஈடுபடும்போது நீதிபதி வீட்டில் கட்டுக்கட்டாக கணக்கில் வராத பணம் இருந்தது கண்டுபிடிக்கப்பட்டது. பழைய பொருட்களை போட்டு இருந்த அந்த அறை முழுவதும் தீயில் எரிந்து நாசமானது. எனினும் தீயணைப்பு வீரர்கள் ரூ.37 கோடி ரொக்கப் பணத்தை கைப்பற்றியதாகவும், ரூ.11 கோடி ரொக்கம் தீயில் எரிந்து போனதாகவும் தகவல் வெளியானது.

நீதிபதி வீட்டில் கட்டுக்கட்டாக பணம் சிக்கிய விவகாரம் நீதித்துறையினர் மற்றும் அரசியல் கட்சியினர் மத்தியில் பெரும் அதிர்ச்சியை ஏற்படுத்தியுள்ளது. இந்த பிரச்சினை நாடாளுமன்றத்திலும் பலமாக எதிரொலித்தது. குறிப்பாக மாநிலங்களவையில் இந்த பிரச்சினையை காங்கிரஸ் கட்சி எழுப்பியது.