பல்லின ஒற்றுமையை ஊக்குவித்த தீபாவளிக் கொண்டாட்டங்கள்

தீபாவளிப் பண்டிகை குதூகலத்தில் மூழ்கும் வண்ணம் ஏறக்குறைய 103 யூடீ குடியிருப்பாளர்கள் "ஹேப்பி பஸ்" (Happy Bus) எனும் பேருந்துச் சிட்டில் இந்தியா வட்டாரத்தை சுற்றுலா மூலம் வலம் வந்தனர்.

- லாவண்யா வீரராகவன், கீர்த்திகா ரவீந்திரன்

'ஹேப்பி பஸ்' தீபாவளி சுற்றுலா

20ஆம் தேதி அக்டோபர் காலை இடம்பெற்ற இந்தச் சுற்றுலா, சிங்கப்பூரின் பன்முக சமுதாயத்தைப் பறைசாற்றும் ஒரு புதிய முயற்சி என்று வடமேற்கு மாவட்ட மேயர் அலெக்ஸ் யாம் தெரிவித்தார்.

அதோடு, தீபாவளியின் முக்கியத்துவத்தை எடுத்துரைக்க இந்தச் சுற்றுலா முதன்முதலாக லிட்டில் இந்தியா வட்டாரத்தில் இடம்பெற்றதாகவும் கூறினார்.

அவர் இந்திய மரபுடைமை நிலையத்தில் அக்டோபர் 5ஆம் தேதி தொடங்கிய தீபாவளி நிகழ்ச்சிகள், பட்டறைகள், ஆடை, அணிகலன்கள் விற்கும் சிறு வணிகச் சந்தைகள் என தீபாவளி மகிழ்ச்சியில் யூடீ குடியிருப்பாளர்கள் திளைத்திருந்தனர்.

மேலும், கேம்பல் சாலையில் ஆண்டுதோறும் நடைபெறும் தீபாவளி சந்தை, லிட்டில் இந்தியாவைச் சுற்றியுள்ள பல பொருள் கடைகள் ஆகியவற்றையும் குடியிருப்பாளர்கள் பார்த்து மகிழ்ந்தனர்.

சுற்றிப் இந்திய மரபுடைமை நிலையத்திற்கு முதன்முதலாக வருகை புரிந்த குடியிருப்பாளர் ஹோ, அதன் பல்வேறு கண்காட்சிகளைப் பாராட்டினார்.

“இதன்மூலம் என்னால் இந்தியக் கலாசாரத்தைப் பற்றி மேலும் புரிந்துகொள்ள முடிகிறது," என்றார் ஹோ.

'கப்பர்' என்ற சிறு உணவகத்தில் வகைவகையான இந்திய உணவுகளை குடியிருப்பாளர்கள் சுவைத்து மகிழ்ந்தார்கள்.

25 ஆண்டுகள் யூடீ வட்டாரத்தில் வசிக்கும் வாசுகி பழனிச்சாமி, தன் நண்பர்களுடன் இந்தச் சுற்றுலாவில் பங்கேற்றார்.

"என் மற்ற இன நண்பர்கள் இந்தியக் கலாசாரத்தையும் உணவையும் பாராட்டும் வகையில் தீபாவளியை என்னுடன் இணைந்து கொண்டாடுவது எனக்கு மகிழ்ச்சி தருகிறது,” என்றார் அவர்.

"கலாசாரம், சமயம் மீதான ஆர்வத்தின் மூலம் மற்றவர்களுடன் பன்முகத்தன்மையின் அழகைப் பற்றி பகிர்ந்துகொள்ள முடிகிறது,” என்றார் யூடீ அடித்தளக் குழுப் பிரிவின் தலைவர் முருகேசன் சேது.

"இது ஒரு மகிழ்ச்சியான, வலுவான சமூகத்தை ஒன்றிணைக்க உதவும் என்று நான் நம்புகிறேன்,” என்று அவர் பகிர்ந்துகொண்டார்.