பாதிரியார்மீது தாக்குதல்: சந்தேக நபர்மீது குற்றச்சாட்டு

புக்கிட் தீமாவில் உள்ள செயின்ட் ஜோசஃப் தேவாலயத் தில் பாதிரியாரைக் கத்தியால் குத்தியதாக நம்பப்படும் ஆடவர் மீது, அபாயகரமான ஆயுதத்தால் வேண்டுமென்றே மோசமான காயம் ஏற்படுத்தியதாக திங்கட் கிழமையன்று (நவம்பர் 11) குற்றம் சுமத்தப்பட்டது.

பாஸ்நாயக கீத் ஸ்பென்சர் எனும் அந்த 37 வயது நபர், திங் கட்கிழமை காலை 10.10 மணிக்கு காணொளிவழி நீதிமன்றத்தில் முன்னிலைப்படுத்தப்பட்டார்.

சிங்கப்பூரைச் சேர்ந்த சிங்கள ஆடவரான அவர், நீதிமன்ற நடைமுறைகள் நடந்தபோது முகத்தில் உணர்ச்சி ஏதுமின்றி காணப்பட்டார்.

பாஸ்நாயகவின் மனநலனைச் சோதிக்க அவரை மூன்று வாரங் களுக்கு சாங்கி சிறைச்சாலை வளாக மருத்துவ நிலையத்தில் தடுப்புக் காவலில் வைக்க அரசுத் தரப்பு வழக்கறிஞர்கள் கோரிக்கை விடுத்துள்ளனர் பாஸ்நாயகவின் வழக்கு வரும் டிசம்பர் மாதம் இரண்டாம் தேதியன்று மீண்டும் விசாரணைக்கு வரும்.

அச்சம்பவம் சனிக்கிழமை யன்று (நவம்பர் 9) மாலை ஆறு மணியளவில் நிகழ்ந்தது. பாஸ் நாயக, 57 வயது பாதிரியாரான கிறிஸ்டஃபர் லீயைக் கத்தியால் குத்தியதாக நம்பப்படுகிறது.

கூட்டுப் பிரார்த்தனை நடந்து கொண்டிருந்தபோது தாக்குதல் நடத்தப்பட்டதாகக் கூறப்படுகிறது.