சென்னையில் நகை பறித்தவர் ஆந்திராவில் சுட்டுக்கொலை

சென்னையில் ஏழு இடங்களில் நடந்த கொள்ளை சம்பவங்களுக்கு மூளையாக செயல்பட்டதாக நம்பப்படுபவர் சுட்டுக்கொல்லப்பட்டார்.

சென்னையில் பெண்களிடம் நகைகளைப் பறித்த கொள்ளையர்களில் ஒருவரான சல்மான், ஆந்திரப் பிரதேசத்திலுள்ள ஓங்கோல் நகரில் பிடிக்கப்பட்டுள்ளார். ஒருவர் சுட்டுக்கொல்லப்பட்டார்.

இந்த சம்பவம் குறித்து காவல் துறை ஆணையர் அருண் செய்தியாளர்களிடம் புதன்கிழமை (மார்ச் 26) விளக்கம் அளித்தார்.

சென்னையில் செவ்வாய்க்கிழமை (மார்ச் 25) ஒரே நாளில் ஏழு பேரிடம் தங்கச் சங்கிலியைப் பறித்துவிட்டு, மும்பை செல்லவிருந்த இருவரை விமானத்தில் செல்ல தயாராக இருந்தபோது கைது செய்தோம். ரயிலில் தப்பிச் சென்ற ஒருவரை ஆந்திர காவல்துறை கைது செய்தது.

கைதானவர்கள் குற்றச் செயலுக்குப் பயன்படுத்திய இருசக்கர வாகனத்தை அடையாளம் காட்ட தரமணி ரயில் நிலையம் அருகே அழைத்துச் சென்றோம்.