அமைச்சர் சண்முகம்: தகராறு செய்தோர்மீது புகார் அளிக்கப்போவதில்லை

மக்கள் செயல் கட்சி சொங் பாங் கிளை அலுவலகத்தில் நடைபெற்ற மக்கள் சந்திப்புக் கூட்டத்தில் தகராறு செய்த இருவர்மீது காவல்துறையில் புகார் அளிக்கப்போவதில்லை என்று உள்துறை, சட்ட அமைச்சர் கா. சண்முகம் தெரிவித்துள்ளார்.

- லாவண்யா வீரராகவன்

“இது தொடர்பான காணொளி இணையத்தில் உள்ளது. இது குறித்து மேன்மேலும் பேசுவதை விடுத்து, சமூக மேம்பாட்டுக்கான பணிகளில் ஈடுபட வேண்டும்,” என்று அவர் கேட்டுக்கொண்டார்.

ஒன்றிணைந்து முன்னேறுவது குறித்த ஆக்கபூர்வமான விவாதங்கள், சமூகப் பிரச்சினைகள் குறித்து விவாதிப்பதில் கவனம் செலுத்த வேண்டும் என்றும் திரு சண்முகம் வலியுறுத்தினார்.

சிங்கப்பூரில் உள்ள அனைத்துக் கலாசாரங்களும் அவ்வழிமுறையையே சுட்டுவதாகவும் அவர் சொன்னார்.