తెన్గు జగాన పుట్టుటది యే ప్రాగ్జన్మ సంస్కారమో" అన్నారు ఆశ చక్రవర్తి బులుసు వేంకట రామమూర్తి. జైన, బౌద్ధ ప్రాచీన సాహిత్యమంతా ఒకప్పటి వ్యవహార భాష అయిన ప్రాకృతంలోనే ఉంది. తెలుగు రాజులైన శాతవాహనులు ప్రాకృతంలో ఎన్నో రచనలు చేసారు. వివిధ కవులు సేకరించిన 'గాథా సప్తశతి'గా చేకూర్చారు. కానీ ఒకానొక కాలంలో గ్రాంథిక భాషావాదులు వ్యవహార తెలుగుభాషని అపభ్రంశమని, గ్రామ్యమని నిరాకరించినట్టే, ప్రాకృత భాష కూడా ఈసడించబడింది. జనసామాన్యానికి అర్థమయ్యే భాష, సజీవంగా కవిత్వం ఉట్టిపడే భాషగా హాలుని వంటి రాజ కవులు ప్రాకృతం అభిమానించి, ఆదరించి ప్రోత్సహించారు. క్రీ.పూ. 225 నుంచి శాతవాహనులు, ఇక్ష్వాకులు, బృహత్సలాయనులు, శాలంకాయనులు, ఆనంద గోత్రికులు, విష్ణుకుండినులు, పల్లవ రాజులు క్రీ.శ.600 వరకు రాజభాషగా ప్రాకృతం విలసిల్లింది. రాజభాష, శాసన భాషగా క్రీపూ.2వ శతాబ్దం నుంచి క్రీ.శ.550 క్రీ.శ 200 ష రేనాటి చోళరాజుల కాలంలో తెలుగు, రాజభాష అయిన ప్రాచీన చరిత్ర వెలుగు చూసింది. శాసనాలు తెలుగులో ఉన్నా ప్రాకృత, సంస్కృత పదాలు కలిసి పశ్చిమ చాళుక్య రాజుల కాలంనాటి వరకు తెలుగు రాజభాషగా శాసనాలు వెలుగు చూసాయి. కానీ బ్రిటిష్ వలసవాద భాషా దృక్పథం కారణంగా ప్రాకృతం వైపు దృష్టి సారించకపోవడంతో, తెలుగు భాషా మూలాలు మరుగున పడటం నిర్వివాదాంశం. ముఖ్యంగా తెలంగాణ సీమలో శాతవాహన రాజుల కాలంలో ప్రాకృత రచనలలో ఇప్పుడు మనం వాడే తెలుగు పదాలు జన వ్యవహారంలో కలిసిపోయాయి. దురదృష్టవశాత్తు తెలుగు భాషావేత్తలు, పండితులు, భాషా కోవిదులు ప్రాకృతం పట్టించుకోలేదు. ప్రాకృత భాష చదవగలిగే పండితులే వేళ్ల మీద లెక్కపెట్టగలిగే పరిస్థితి కారణంగా తెలుగు చారిత్రక మూలాలు తీవ్ర విస్మరణకు గురి అయ్యాయి. ఆద్య కళా పరిశోధకులు ఆచార్య జయధీర్ తిరుమలరావు, ఇటీవల ప్రాకృతంపై పట్టు సాధిస్తేనే, తెలుగు భాషా ఔన్నత్యం మరింత బాగా తెలుస్తుంది' అనే వ్యాస ప్రస్తావనలో తెలుగు మూలాలు ప్రాకృతంలో ఎలా ఇమిడివున్నాయో పరిశోధనాత్మకంగా, సోదాహరణంగా వివరించారు. తెలుగు చారిత్రక మూలాలు తెలంగాణ సీమలో ప్రాచీన శాసనాల రూపంలో ఇప్పటికీ వెలుగు చూస్తున్నట్లు పురావస్తు శాఖ పరిశోధకులు వార్తాంశాలుగా ప్రకటిస్తున్నారు. క్రీ.పూ. నుండి, భాషా రాష్ట్రాల ఆవిర్భావం ముందు శతాబ్దాలలో, తెలుగు రాజులు పాలించిన కన్నడ, మరాఠీ ప్రాంతాలలో తెలుగు భాషా ఆవిర్భావ వికాస చారిత్రక అమూల్య పరిశోధనాంశాలు ఎన్నో నిక్షిప్తమై ఉన్నాయి.<img src="https://cdn.magzter.com/1397201783/1731791038/articles/5RQtW0RpS1732201533919/9997179944.jpg" alt="image">తెలంగాణ సీమలోని వేములవాడ, బోధన్ ప్రాంతాలలో లభించిన చారిత్రక అవశేషాలు, కేంద్ర ప్రభుత్వం నిర్ధారించిన చారిత్రక ప్రాచీనతకు ఆధారాలు అయ్యాయి. అదే విధంగా ప్రతిష్ఠానపురం, నాసిక్, నాణేల ప్రాంతం నానేఘాట్ వంటి తెలుగు రాజుల పాలనా ప్రాంతాలు కన్నడ, మరాఠీ, తమిళ రాష్ట్రాలలో నిర్లక్ష్యానికి గురికాకుండా, ప్రస్తుత తెలుగు రాష్ట్రాధినేతలు చొరవ చూపించాలి. కన్నడ, తమిళ, మరాఠీ సోదర భాషా రాష్ట్రాల ప్రభుత్వాలు తమ అస్తిత్వ విలువల దృష్ట్యా యిక తెలుగు చారిత్రక ప్రాధాన్యతను పట్టించుకొనే అవకాశాలు పూర్తిగా లేవనే చెప్పాలి.ద్రావిడ, సంస్కృత, ప్రాకృత భాషలు తెలుగుకు వెన్నెముకగా కలిసిన భాషా మూలాలపై, వికాసంపై కొంతవరకు పరిశోధనాన్వేషణలో బహిర్గతమైనా మారుతున్న దేశ, కాల పరిస్థితులకు అనుగుణంగా, మన మాతృభాషా పటిష్టతకు పరిమిత కృషి నిర్వర్తించబడిందని మనం గుర్తించక తప్పదు. 'అంధకము' వంటి తెలుగు భాషా ప్రాచీన రూపాలపై విస్తృత పరిశోధనలు, తెలుగు ప్రాకృత భాషల కలయిక, సోదర భాషల అధ్యయనం వల్ల తెలుగుకు కొత్త శక్తి, కాంతి సమకూర్చగలిగే అక్కడి అవకాశాలు శోధించి భాషా స్వరూపం పూర్తిగా మారి కనుమరుగు కాకుండా ఆలోచనల భవ్య కార్యాచరణ చేపట్టాలి.కేంద్ర ప్రభుత్వ తాజా నిర్ణయం ప్రకారం, ప్రస్తుతం ప్రాచీన భాష హోదా కలిగిన భాషలు ఆరు నుంచి 11కు చేరాయి. ప్రాచీన భాష హోదా రావాలంటే కనీసం వెయ్యేళ్లకు పైగా చారిత్రక గ్రంథ వారసత్వం ఉండాలి. సాహితీ సంప్రదాయం సొంతం అయి నిరూపణ ఉండాలి. ముందుగా తమిళం, సంస్కృతం, తెలుగు, కన్నడ, మలయాళ, ఒడియా భాషలకు ఆ అర్హత కేం ద్ర ప్రభుత్వం ప్రాచీన నిరూపణల ఆధారంగా లభింపచేసింది.మరాఠీ, బెంగాలీ, పాలి, అస్సామీలతో ప్రస్తుతం ప్రాకృత్ కూడా ప్రాచీన హోదా గుర్తింపు పొందింది. ప్రాచీన హోదా లభించిన సదవకాశం కేవలం నామమాత్రంగా కాకుండా భాషా వికాసానికి దోహదపడే విధంగా కేంద్ర ప్రభుత్వం ప్రోత్సాహం అందించాలి. దేశీయ భాషల వికాసంతో, యువతకు ఉపాధి అవకాశాలు పెంపొందింపచేసే చర్యలు చేపట్టాలి. నిరాదరణకు, నిర్లక్ష్యానికి భాష గురి కాకుండా విద్యారంగం, పరిశోధనా రంగాలలో మరింత ప్రోత్సాహం అందించాలి. డాక్యుమెంట్ డిజిటైజేషన్, సేకరించబడి అక్కడక్కడ పదిలపరచబడిన ఆయా భాషా సంబంధిత ప్రాచీన తాళపత్ర తదితర సంపదను ఆయా రాష్ట్రాలకు తరలించే ప్రయత్నాలకు నాంది పలకాలి.ప్రాకృత భాషకు ప్రాచీన హోదా లభించిన కారణంగా ఆ భాషతో, తెలుగు తదితర దేశీయ భాషలకున్న ఆత్మీయ బాంధవ్యాన్ని పరిశోధనాత్మకంగా చారిత్రక కాలగర్భంలో నిక్షిప్తమైన మూలాలను వెలుగు చూసే ఆవిష్కరణలకు పురావస్తు పరిశోధనా అన్వేషణలతో తెలుగు సజీవ వికాసానికి దోహదపడాలి. ప్రాచీన హోదా గుర్తింపుకు అప్పుడే సార్థక్యం.

తెలుగు భాషా వికాసం

274,726,548,89,1004,1477

English

Spanish(español)

Bengali(বাঙালি)

Gujarati(ગુજરાતી)

Hindi(हिन्दी)

Malayalam(മലയാളം)

Tamil(தமிழ்)

Telugu(తెలుగు)

Vaartha-Sunday Magazine

యూ ట్యూబ్ సభ్యత్వం

నవ్వుల్...రువ్వుల్...

పసిడి ప్రాధాన్యత

హలో ఫ్రెండ్...

బాలగేయం

బుజ్జి మేక అదృష్టం

గుండె పదిలమేనా!

పాత్రికేయరంగంలో నా అనుభవాలు

ఒక అస్పృశ్యుని యుద్ద గాథ

Download your favorite titles and read them offline, anytime and anywhere

Gift your loved ones with a Magzter Gift Card instantly and give them the freedom to read their favorite magazines and newspapers from thousands of best-selling titles.

Gift your loved ones with a Magzter Gift Card instantly and give them the freedom to read their favorite magazines from thousands of best-selling titles.

Gift your loved ones with a Magzter Gift Card instantly and give them the freedom to read their favorite magazines from {{magCount}}+ best-selling international titles.

Name

Please fill out this form if you need any help regarding publishing your content on Magzter

Since we launched, Magzter has been committed to partnering with global organizations to provide the greatest possible newsstand technology & service to our customers. Whether you are looking to offer magazine subscriptions to your customer database or just want to learn more, Magzter is committed to helping your business grow. To find out more, please fill out the questionnaire below: