మానవత్వం

సింగిల్ పేజీ కథ

- రాము కోలా

అపార్ట్మెంట్లలో పని చేస్తూ కాపురాన్ని చక్కదిద్దేందుకునే స్త్రీల పరిస్థితి ఎంత దారుణంగా ఉంటుందో చెప్పనలవి కాదు. బండెడు చాకిరీ చేస్తున్నా మెచ్చుకోలు మాట చేయించుకున్న వారినుండి రానే రాదు ఎందుకనో? ఈ

ఈసడింపులు, ఛీత్కారాలు, చేసిన పనులకు వంకలు పెట్టేస్తుంటారు. పని చేసుకునేవారిని ఉద్దరించడానికే దేవుడు తమని పుట్టించాడనే భ్రమలో కొందరుంటారు. అటువంటి వారిలో బాలామణి ఒకరు. ఆర్థిక ఇబ్బందులతో కుటుంబం భారాన్ని మోస్తూ, అవమానాలు భరిస్తూ, కుటుంబాన్ని లాక్కొచ్చే రత్తాలు వంటివారు వారి దగ్గర పని చేస్తుంటారు.

వంట గదిలో ఒకరు. వరండాలో వాలు కుర్చీలో ఒకరు. మధ్యలో అంతస్తులు తేడా. టీవీలో చూపిస్తున్న చీరల ప్రకటనలు వైపు ఆసక్తిగా చూస్తూ వేయించిన పల్లీలు వేడి వేడిగా ఆరగిస్తున్న బాలామణి వంటగదిలో నుండి బయటకొస్తున్న రత్తాలు వైపు, గోడకున్న గడియారం వైపు మార్చి మార్చి చూస్తుంది.

"ఇంకా ఐదు కాలేదు. అప్పుడే రత్తాలు వంట గదిలో నుండి బయటకు రావడం ఏంటి? అనే సందేహం బాలామణి ముఖంలో ప్రస్ఫుటంగా కనిపిస్తుంది.