അനുകരിച്ച് നേടാവുന്ന സിദ്ധിയല്ല നന്മ

നന്മ നിറഞ്ഞ മനസ്സുകളെത്തേടി എന്നും ഉയർച്ചകൾ തേടിയെത്തും

- സംഗീത മധു

ഒരിക്കൽ ഒരു വിറകു വെട്ടുകാരൻ നദീതീരത്തെ മരം മുറിക്കുന്ന ജോലി തുടരുന്നതിനിടയിൽ പെട്ടെന്നാണ് അദ്ദേഹത്തിന്റെ കയ്യിൽ നിന്നും മഴു വഴുതി നദിയിൽ വീണത്. അത് കണ്ടത്താൻ യാതൊരു നിർവ്വാഹവുമില്ലാതെ പകച്ചുനിന്നപ്പോൾ ദേവിയോട് അയാൾ ഇങ്ങനെ മനസ്സുരുകി പ്രാർത്ഥിച്ചു.

"അമ്മേ, മഹാമായേ ക്ഷേത്രത്തിലെ ഉത്സവം ഇങ്ങ് അടുത്തെത്തിക്കഴിഞ്ഞു. കയ്യിൽ കാശില്ലാത്ത സമയത്തുതന്നെ എന്റെ പണിയായുധവും നഷ്ടപ്പെട്ടു. ഇനി ഞാനെങ്ങനെ നിത്യവൃത്തി കഴിക്കും. ഉത്സവത്തിന് എങ്ങനെ പണം കണ്ടെത്തും.

ഭക്തന്റെ പ്രാർത്ഥന കേട്ട വനദേവത പ്രത്യക്ഷപ്പെട്ട് നദിയിൽ നിന്നും സ്വർണ്ണം കൊണ്ട് തീർത്ത ഒരു മഴു കണ്ടെത്തി ചോദിച്ചു.

"ഇതാണോ നിന്റെ മഴു

വനദേവതയുടെ ചോദ്യത്തിന് ഉടൻതന്നെ വിറകു വെട്ടുകാരൻ ഉത്തരം നൽകി.

"ഇല്ല. ഇത് എന്റേതല്ല.

എന്റേത് ഒരു സാധാരണ ഇരുമ്പുകൊണ്ടുള്ള മഴുവാണ്.