ഗോവർദ്ധനഗിരിക്ക് ഹനുമാന്റെ വാഗ്ദാനം

വാനരവീരന്മാരിൽ ഹനുമാനാണല്ലോ ഏറ്റവും വലിയ ബലവാൻ.

- വിഷ്ണുദാസൻ

ശ്രീരാമൻ രാമൻ ലങ്കയിൽ പോയി രാവണനെ നിഗ്രഹിച്ച് സീതയെ മോചിപ്പിച്ച് കൊണ്ടുവരാൻ തീരുമാനിച്ചു. ഇവിടെ നിന്നും ലങ്കയിലേക്ക് പോകണമെങ്കിൽ സമുദ്രത്തിന് കുറുകെ അണ (സേതുബന്ധനം) കെട്ടണം. എങ്കിലേ അവിടെ എത്താനാവൂ. ശ്രീരാമൻ വാനരന്മാരെയെല്ലാം വിളിച്ചുവരുത്തി എല്ലാവരോടും മലകളിൽ നിന്നും പാറകൾ എടുത്തുകൊണ്ടുവരാൻ ആജ്ഞപിച്ചു. ശ്രീരാമൻ ആജ്ഞ പുറപ്പെടുവിച്ച ഉടൻ തന്നെ വാനരന്മാർ പല ദിക്കുകളിലുമുള്ള മലകൾ ലക്ഷ്യ മാക്കി നീങ്ങി. ഉയരമുള്ള മലകളിൽ നിന്നും നല്ല വീതിയും നീളവുമുള്ള വലിയ പാറകൾ അവർ പിഴുതെടുത്ത് കൊണ്ടുവന്നു. നളനും നീലനും പാലം പണിയുടെ ചുക്കാൻ പിടിച്ചു. പാറകൾ വന്നു തുടങ്ങിയപ്പോൾ അവർ അണകെട്ടാനും ആരംഭിച്ചു.