പമ്പയിൽ എച്ചിലില ലേലം ചെയ്യുന്ന ഭക്തർ

തിരുവിതാംകൂർ ദേവസ്വം പബ്ലിക് റിലേഷൻസ് ഓഫീസറായിരുന്ന മോഹൻ പെരിനാട് എ തിയ "ശബരിമലയും ദേവസ്വം ബോർഡും' എന്ന പുസ്തകത്തിൽ നിന്ന്

-  പി. ജയചന്ദ്രൻ

നമ്മുടെ പുരാണങ്ങളിലെ മറ്റെല്ലാ ദേവീദേവന്മാർക്കുമെന്ന പോലെ ശബരിമല ധർമ്മ ശാസ്താവിനുമുണ്ട് നിരവധി വിളിപ്പേരുകൾ. അതിലൊന്നാണ് അന്നദാതാവ് എന്നുള്ളത്. അതായത് അന്നം കൊടുക്കുന്നവൻ എന്നർത്ഥം. ഒരുപക്ഷേ, മറ്റെല്ലാ ചേരുവകളെക്കാളും അർത്ഥവത്തായ വിളിപ്പേര്. കാരണം, തിരുവിതാംകൂർ ദേവസ്വം ബോർഡിനെ സംബന്ധിച്ചിടത്തോളം എല്ലാ അർത്ഥത്തിലും അന്നദാതാവ് തന്നെയാണ് ശബരിമല അയ്യപ്പൻ. ബോർഡിന് കീഴിലുള്ള ആയിരത്തി ഇരുന്നൂറ്റി അൻപതോളം ക്ഷേത്രങ്ങളിൽ സ്വയം പര്യാപ്തത എന്നുപറയുന്നത് ഏറിയാൽ അറുപത് ക്ഷേത്രങ്ങൾ മാത്രമാണ്. ശേഷിക്കുന്ന മുഴുവൻ ക്ഷേത്രങ്ങളിലേയും നിത്യനിദാനച്ചെലവിനും, ജീവനക്കാരുടെ ശമ്പളത്തിനും, ആയിരത്തോളം പെൻഷൻകാരുടെ പെൻഷനും ഒക്കെ ആശ്രയം അയ്യപ്പൻ തന്നെ. ഒന്നുകൂടി തെളിച്ചുപറഞ്ഞാൽ ശബരിമലയിലെ സീസൺ കാല വഞ്ചിവരവും വഴിപാടുവരവുമാണ് തിരുവിതാംകൂർ ദേവസ്വം ബോർഡിന്റെ നിലനിൽപ്പ്.

അതേസമയം ഈ വരവിന്റെ സിംഹഭാഗവും അന്യസംസ്ഥാന അയ്യപ്പഭക്തർ വഴി ലഭിക്കുന്നതാണ് എന്നതാണ് വസ്തുത. മലയാളികളോളമോ, ചിലപ്പോൾ അതിൽ കൂടുതലായോ അയ്യപ്പദർശനത്തിനെ ത്തുന്ന അന്യസംസ്ഥാനഭക്തരാണ് ഒരുപരിധിവരെ ദേവസ്വം വഞ്ചികൾ നിറയ്ക്കുന്നത്. വ്രതാനുഷ്ഠാനങ്ങളിലും മറ്റും കേരളീയരെക്കാൾ ചിട്ടയും ശുഷ്കാന്തിയുമൊക്കെ പുലർത്തുന്ന തമിഴ്നാട്, കർണ്ണാടക, ആന്ധ്രാപ്രദേശ് തുടങ്ങിയുള്ള സംസ്ഥാനങ്ങളിൽ നിന്നെത്തുന്നവരാണ് അയ്യപ്പന് മുന്നിൽ യാതൊരു ലോഭവും കൂടാതെ മടിശ്ശീലയുടെ കെട്ടഴിക്കുന്നത്.

അതേസമയം ഭക്തിയുടെ പേരിൽ ചില വിചിത്രമായ ആചാരങ്ങളും ഇവർ വച്ചുപുലർത്തുന്നുണ്ട്. അതിൽ പ്രധാനമാണ് എച്ചിലില ലേലം ചെയ്യൽ.

എന്താണ് എച്ചിലില ലേലം ചെയ്തൽ