ഹനുമാന് വഴിപാട്

പ്രാർത്ഥനകളും ഫലങ്ങളും ഹനുമാനെ തൊഴുത് പ്രാർത്ഥിച്ചാൽ ശിവനേയും വിഷ്ണുവിനേയും ഒന്നിച്ച് തൊഴുത് പ്രാർത്ഥിച്ച് ഫലം കിട്ടുമെന്നാണ് വിശ്വാസം. ഹനുമാനെ ഭജിച്ചാൽ സർവ്വ ഐശ്വര്യങ്ങളും ഉദ്ദി ഷ്ടകാര്യ സിദ്ധിയും കരഗതമാവുന്നു. ദുഃഖദുരിതങ്ങൾ അകലുന്നു. കുടുംബത്തിൽ ശാന്തിയും സമാധാനവും സന്തോഷവും വർദ്ധിക്കുന്നു. ഒപ്പം ഹനുമാനെ രാമനാമത്താൽ ജപിച്ച് വെറ്റിലമാല, വടമാല എന്നിവ അണിയിച്ചും വെണ്ണചാർത്തിയും പൂജിക്കണം.

- ദേവദേവൻ

വെറ്റിലമാല

അശോകവനത്തിൽ സീതാദേവി തടവിലാക്കപ്പെട്ട വേളയിൽ ദേവിയെ അന്വേഷിച്ചു ചെന്ന ഹനുമാൻ മരച്ചുവട്ടിൽ ആസനസ്ഥയായിരിക്കുന്ന സീതയെ കണ്ടു. ശ്രീരാമന്റെ പേര് പറഞ്ഞ് സീതയുടെ വിശ്വാസത്തിന് അദ്ദേഹം പാത്രീഭൂതനായി. സാധാരണയായി മുതിർന്നവർ ആരെയെങ്കിലും നമസ്ക്കരിക്കുമ്പോൾ, അവരെ അക്ഷതം തൂവി അനുഗ്രഹിക്കുന്നത് പതിവാണ്.

എന്നാൽ ഹനുമാൻ സീതാ ദേവിയെ നമസ്ക്കരിച്ചപ്പോൾ അവിടെ അക്ഷതമോ പുഷ്പങ്ങളോ ദേവിക്ക് കിട്ടിയില്ല. അതു കൊണ്ട് അരികിലുണ്ടായിരുന്ന വെറ്റിലക്കൊടിയിൽ നിന്നും ഇലകൾ പറിച്ചെടുത്ത് അത്ഹനുമാന്റെ ശിരസിന് മീതെവച്ച് ചിരഞ്ജീവിയായി ജീവിക്കൂ എന്ന് സീതാദേവി ആശീർവദിച്ചു. അതുകാരണമാണ് ഹനുമാന് വെറ്റിലമാല അണി യിക്കുന്നത്.